सरकारनामा ब्यूरो
सध्या सोशल मीडियावर बिहारचे मुख्यमंत्री नितीश कुमार यांचा एका कार्यक्रमादरम्यानचा व्हिडिओ व्हायरल होत आहे.
नितीश कुमार या व्हिडिओमध्ये राष्ट्रगीत सुरू असताना शेजारी उभे असलेले प्रधान सचिव दीपक कुमार यांच्याशी बोलताना दिसत आहेत.
भारतीय कायद्यात नमूद केल्याप्रमाणे कोणताही व्यक्ती भारतीय राष्ट्रगीताचा अपमान करत असेल तर तो गुन्हा असून त्याला शिक्षा होऊ शकते.
भारतीय संसदेने राष्ट्रध्वज, राष्ट्रचिन्ह, राष्ट्रगीत, संविधान आणि भारताच्या नकाशासारख्या राष्ट्रीय चिन्हांचा अपमान केल्यास प्रतिबंध करण्यासाठी कायदा बनवलेला आहे.
राष्ट्रीय सन्मानाचा अपमान प्रतिबंधक कायदा (PINH) 1971 अंतर्गत अशा व्यक्तीला तीन वर्षांचा तुरुंगवास किंवा दंडाची शिक्षा होऊ शकते.
भारतीय संविधानाच्या कलम 51अ मध्ये असे सांगितले आहे की, देशातील सर्व नागरिकांनी राष्ट्रगीताचा आदर करणे बंधनकारक आहे.
राष्ट्रीय सन्मान (PINH) कायदा, 1971मध्ये म्हटल्याप्रमाणे, राष्ट्रगीत सुरु असल्यावेळी स्तब्ध स्थितीत न उभ राहता कोणत्याही प्रकारे हालचाल करून अपमान करणे चुकीचे आहे.