सरकारनामा ब्युरो
हलाल म्हणजे जनावराच्या मानेवरील रक्तवाहिनी, श्वासनलिका कापली जाते. यात प्राण्याचा तडफडून मृत्यू होतो.
जनावराची कत्तल करताना विशिष्ट प्रार्थना केली जाते. त्यामुळे हलाल मांसच खाण्यास इस्लामिक श्रद्धेनुसार मान्यता आहे.
या प्रक्रियेत जनावराचं रक्त पूर्ण बाहेर पडल्यानंतर त्याच्या शरीराचे वेगवेगळे भाग केले जातात.
झटका मटण म्हणजे एकाच झटक्यात प्राण्याचे शीर धडापासून वेगळं केलं जातं. त्यामुळे या प्रक्रियेत प्राण्याला कमी वेदना होतात.
झटका पद्धतीने कत्तल करण्याआधी प्राण्याला बेशुद्ध केलं जातं, त्याला उपाशी ठेवलं जातं.
इस्लाम धर्माच्या मान्यतेनुसार, हलालमध्ये रक्त पूर्ण बाहेर पडते. त्यामुळे प्राण्यांच्या मांसापासून कोणताही आजार पसरत नाही.
हलाल मांस जास्त काळ टिकते आणि त्याला वास येण्याची शक्यता कमी असते.
जेव्हा एखाद्या प्राण्याला एकाच फटक्यात मारले जाते तेव्हा रक्त गोठण्याची प्रक्रिया लगेच सुरू होते.
झटकामध्ये दुखापतीच्या ठिकाणी रक्ताच्या गुठळ्या तयार होऊ लागतात, ज्या प्राण्यांच्या संपूर्ण शरीरात पसरतात.
झटका प्रक्रियेमध्ये प्राण्यांमधून रक्त पूर्णपणे बाहेर पडत नाही आणि मांसाच्या भागांमध्ये गोठू लागते, ज्यामुळे मांस कठीण होते.
रक्तामुळे ते मांस जास्त काळ गुणवत्ता राखून ठेवू शकत नाही. ते लवकर खराब होते.