Akshay Sabale
काँग्रेसनं शनिवारी आपली चौथी यादी जाहीर केली. यात पंतप्रधान नरेंद्र मोदी यांच्याविरोधात वाराणसीतून अजय राय यांना उमेदवारी देण्यात आली आहे.
2014 आणि 2019 च्या लोकसभा निवडणुकीत अजय राय आणि पंतप्रधान मोदी यांच्यात अटीतटीची लढाई झाली होती. आता तिसऱ्यांदा मोदींविरोधात राय मैदानात उतरले आहेत.
काँग्रेस नेते अजय राय यांचा जन्म 7 ऑक्टोबर 1969 मध्ये वाराणसीत झाला होता. राय यांनी आपल्या राजकीय कारकिर्दीची सुरुवात अखिल भारतीय विद्यार्थी परिषदेतून केली.
1996 मध्ये राय यांनी भाजपच्या तिकिटावर कोलासला मतदारसंघातून विधानसभा निवडणूक लढवली. या निवडणुकीत 9 वेळा आमदार असलेले उदल यांचा 484 मतांनी पराभव केला.
2009 लोकसभेला भाजपनं तिकीट न दिल्यानं राय यांनी पक्षाला राम राम ठोकला. यानंतर ते 'सपा'त सामील झाले. 'सपा'नं मुरली मनोहर जोशींविरोधात राय यांना उमेदवारी दिली. पण, राय यांचा पराभव झाला.
2012 मध्ये राय यांनी काँग्रेसमध्ये प्रवेश केला. ते 2012 मध्ये विधानसभा निवडणुकीत निवडून आलं. पण, 2017 विधानसभा निवडणुकीत राय यांचा अवधेश सिंह यांनी 40 हजार मतांनी पराभव केला.
2014 च्या लोकसभा निवडणुकीत राय आणि नरेंद्र मोदी यांच्यात पहिल्यांदा लढाई झाली. पण, मोदींनी राय यांचा पाच लाखांहून अधिक मतांनी पराभव केला.
2019 च्या निवडणुकीतही मोदींनी राय यांचा पाच लाखांहून अधिक मतांनी पराभव केला होता.
ऑगस्ट 2023 मध्ये काँग्रेसनं बृजलाल खाबरी यांना हटवून राय यांना उत्तर प्रदेशचे प्रदेशाध्यक्ष बनवलं. त्यातच आता राय यांनी तिसऱ्यांना मोदींविरोधात शड्डू ठोकला आहे.
R