सरकारनामा ब्यूरो
अरुणाचल प्रदेश राज्यातील कुरुंग कुमे या जिल्ह्याच्या उपायुक्त विशाखा यादव असून या जिल्ह्यात केलेल्या कामगिरीमुळे त्या नेहमी चर्चेत असतात.
उपायुक्त विशाखा यादव यांना राज्य निवडणूक आयोगाने 'सर्वोत्कृष्ट प्रतिबंधात्मक राज्य' पुरस्काराने सन्मानित केले आहे.
भारत-चीन सीमेतील जिल्ह्यात निवडणुकीवेळी कायदा आणि सुव्यवस्था राखणे, गैरप्रकारांवर प्रतिबंध घालणे, असे मोलाचे योगदान त्यांचे आहे.
विशाखा यांनी 'डिजी कक्षा' प्रकल्प सुरु केला. यामुळे कुरुंग कुमे आणि तिरप जिल्ह्यांतील सरकारी शाळांमध्ये स्मार्ट क्लासेस सुरू झाले. यामुळे शिक्षण संस्थेत प्रगती दिसून आली.
विशाखा यादव या 2020 च्या बॅचच्या IAS अधिकारी आहेत. त्यांनी सरकारी सेवेत कमी कालावधीतच मोठी कामगिरी केल्याने चर्चेत आल्या आहेत.
विशाखा यांचा यशाचा प्रवास दिल्लीतून सुरु झाला. दिल्ली विद्यापिठातून 2014 ला अभियांत्रिकेचं शिक्षण घेतले.
बंगळूरमध्ये सिस्को सिस्टम्स कंपनीत त्यांनी सॉफ्टवेअर डेव्हलपर म्हणून काम केले.
यानंतर त्यांनी UPSC परीक्षेची तयारी सुरु केली. त्यांनी 2 वेळा परीक्षा दिली, परंतु त्यांना दोन्हीही वेळा अपयश आले.
जिद्दीच्या जोरावर त्यांनी 2020 UPSC परीक्षा उत्तीर्ण करत तिसऱ्या प्रयत्नात ऑल इंडिया 6वा रँक मिळवला.