Akshay Sabale
इतिहासात पहिल्यांदाच लोकसभा अध्यक्षासाठी निवडणूक होत आहे. 'एनडीए'कडून ओम बिर्ला यांना पुन्हा संधी दिली आहे. तर 'इंडिया' आघाडीकडून के. सुरेश यांनी अर्ज दाखल केला आहे.
के. सुरेश हे काँग्रेसचे खासदार असून 8 वेळा संसदेवर निवडून आले आहेत. के. सुरेश हे काँग्रेसमधील एक दलित चेहरा आहेत.
के. सुरेश मावेलिक्कारा मतदारसंघातून चारवेळा निवडणूक जिंकली आहे. मावेलिक्कारामधून ते पहिल्यांदा 2009 मध्ये निवडून आले होते.
यापूर्वी के. सुरेश यांनी चारवेळा अदूर मतदारसंघाचं प्रतिनिधित्व केलं आहे. दोन वेळा म्हणजे 1998 आणि 2004 मध्ये के. सुरेश यांचा पराभव झाला होता.
2009 साली मनमोहन सिंह सरकारमध्ये के. सुरेश यांना कामगार आणि रोजगर मंत्रालयाचं राज्यमंत्री केलं होतं. 2018 मध्ये त्यांना केरळ काँग्रेसचे कार्यकारी अध्यक्ष बनवण्यात आलं.
यंदाच्या लोकसभा निवडणुकीत के. सुरेश यांनी 'सीपीआय'चे तरूण उमेदवार अरूण कुमार यांचा 10868 मतांनी पराभव केला.
के. सुरेश यांनी लोकसभा निवडणुकीत आपली संपत्ती 1.5 कोटी असल्याचं घोषित केलं होतं.