Jagdish Patil
राज्य सरकारकडून 13 वरिष्ठ IAS अधिकाऱ्यांच्या बदल्या करण्यात आल्या आहेत.
मात्र, बदली करण्यात आलेल्या IAS अधिकार्यांमध्ये राहुल कर्डिलेंच्या नावाची जोरदार चर्चा सुरू आहे. कारण त्यांची एकाच महिन्यात 3 वेळा बदली करण्यात आली आहे.
कर्डिले यांनी नुकताच CIDCOच्या सह व्यवस्थापकीय संचालकपदाचा पदभार स्वीकारला होता.
त्यानंतर आता त्यांची नांदेडच्या जिल्हाधिकारीपदी नियुक्ती करण्यात आली आहे. तर राहुल कर्डिले नेमके कोण आहेत ते जाणून घेऊया.
2015 बॅचचे IAS अधिकारी असलेले कर्डिले मूळचे अहिल्यानगर जिल्ह्यातील ठाणगावचे आहेत. याच गावात त्यांनी प्राथमिक तर पार्थडीमधील करंजी गावात माध्यमिक शिक्षण घेतलं.
त्यानंतर अहिल्यानगर येथील विखे महाविद्यालयात इंजिनिअरिंगची डिग्री घेतल्यानंतर त्यांनी स्पर्धा परीक्षेच्या तयारीला सुरूवात केली.
कर्डिलेंची MPSC तून उपनिबंधक म्हणून निवड झाली. त्यानंतर त्यांनी UPSC च्या 3 मुलाखती दिल्या होत्या. पण त्यामध्ये अपयश आलं. मात्र, चौथ्या प्रयत्नात त्यांनी देशात 422 रँक मिळवली.
कर्डिले यांची पहिली पोस्टिंग परभणीत होती. त्यानंतर त्यांनी अमरावतीत अतिरिक्त जिल्हाधिकारी म्हणून काम केलं. त्यानंतर MMRDAच्या सहआयुक्तपदी त्यांची नियुक्ती करण्यात आली.