Jagdish Patil
इतिहास अभ्यासक इंद्रजीत सावंत यांना ब्राह्मणद्वेष पसरवत असल्याचा आरोप करत जीवे मारण्याची धमकी देण्यात आली आहे.
नागपूर येथील प्रशांत कोरटकर नावाच्या व्यक्तीने धमकी दिल्याचा दावा सावंत यांनी फेसबुक पोस्टमध्ये केला आहे.
तर धमकीचा फोन आल्यामुळे सध्या सोशल मीडियावर चर्चेत असणारे इंद्रजीत सावंत नेमके कोण आहेत हे जाणून घेऊया.
इंद्रजीत सांवत हे कोल्हापुरचे रहिवासी असून ते इतिहास अभ्यासक आणि संशोधक आहेत.
सावंत यांनी पुण्यश्लोक अहिल्यादेवी होळकर, सोलापूर येथून पुरातत्व, तर शिवाजी विद्यापीठ कोल्हापुरातून इतिहास विषयाची पदवी मिळवली आहे.
त्यांना राजर्षी शाहू गौरव पुरस्कार, शिव-सह्याद्री ट्रस्ट, पुणे यांच्याकडून संशोधनासाठी शिष्यवृत्ती, छत्रपती शंभूराजे गौरव आणि छत्रपती संभाजी महाराज असे विविध राज्यस्तरीय पुरस्कार मिळाले आहेत.
इंद्रजीत सावंत यांनी शिवगर्जना, नरशार्दुल राजा संभाजी, गाथा छत्रपतींची, राजर्षी शाहू छत्रपती अशा ऐतिहासिक नाटकांसाठी लेखन केलं आहे.
तसंच त्यांनी स्वराज्यरक्षक संभाजी, जय भवानी, जय शिवाजी अशा ऐतिहासिक मालिकांसाठी त्यांनी तज्ञ इतिहासकार म्हणून मार्गदर्शन केलं आहे.
रायगड विकास प्राधिकरण येथे राज्य सरकारने त्यांची तज्ञ इतिहासकार म्हणून नियुक्त केली आहे. तसंच ते अनेक सरकारी आणि निमसरकारी समित्यांचे सदस्य आहेत.