Mangesh Mahale
स्वतःला बाळूमामाचा अवतार म्हणवून घेणारा मनोहर भोसले उर्फ मनोहर मामा याला पोलिसांनी बेड्या ठोकल्या आहेत.
इंदापुरातल्या लारसुणे गावातला मूळचा असलेला मनोहर हा डीएडच्या परीक्षेत नापास झाल्यानंतर आठवडे बाजारात सुके बोंबील विकून उदरनिर्वाह करीत होता.
मनोहर एक दिवस अचानक गायब झाला. काही वर्षानंतर पुन्हा याच गावात आल्यानंतर त्याने आपल्याला संत बाळूमामा प्रसन्न असून त्यांचा आशीर्वाद असल्याचे सांगितले.
साक्षात बाळूमामा येत असल्याचे ऐकल्यानंतर अमावस्या- पौर्णिमेला त्याच्याकडे भक्ताची मोठी गर्दी होऊ लागली. राज्यातून तसेच परराज्यातून भक्त येऊ लागले.
गावच्या झोपडीत राहणार मनोहर 'मामा' म्हणून प्रसिद्ध झाला. भक्तांच्या पैशावर मठ बांधले. रोज हजारो भाविक या मठामध्ये येतात.
मोठे लोकप्रतिनिधी देखील मामा सोबत फोटोत कैद झाले असून अनेक राजकीय कार्यकर्ते या मामाच्या सल्ल्यासाठी गर्दी करत असल्याची माहिती आहे.
भोसले याच्यावर 4 गुन्हे दाखल झालेले होते. सोलापूर ग्रामीण , पुणे ग्रामीणला हे गुन्हे दाखल झाले होते. बलात्कार, विनयभंग आणि जादूटोणा कायद्यानुसार गुन्हा दाखल झाला होता.