Vijaykumar Dudhale
छत्रपती राजर्षी शाहू महाराजांच्या जनक घराण्याचे (घाटगे) वंशज अशी समरजितसिंह घाटगे यांची ओळख आहे
छत्रपती राजर्षी शाहू महाराजांचे बंधू श्रीमंत पिराजीराव घाटगे तथा बापूसाहेब महाराज हे कागल संस्थानचे अधिपती होते. त्यांचे सुपुत्र तथा कागलचे भूतपूर्व अधिपती श्रीमंत जयसिंगराव घाटगे हे समरजितसिंह घाटगे यांचे आजोबा होते.
कागलच्या घाटगे घराण्यात 19 जानेवारी 1983 रोजी समरजितसिंह यांचा जन्म झाला. त्यांनी पुण्यातून चार्टर्ड अकाउंटंटचे (सीए) शिक्षण पूर्ण केले आहे.
विक्रमसिंहराजे घाटगे यांच्या निधनानंतर झालेल्या श्री छत्रपती शाहू कारखान्याच्या निवडणुकीत समरजितसिंह घाटगे यांनी विक्रमी मतांनी विजय मिळवला. तेव्हापासून ते राजकारणात सक्रीय झाले.
श्री छत्रपती शाहू सहकारी साखर कारखान्याचे समरजितसिंह घाटगे हे 2015 मध्ये प्रथमच अध्यक्ष झाले.
समरजितसिंह घाटगे यांनी म्हाडाचे (पुणे गृहनिर्माण व क्षेत्र विकास मंडळ) पुणे विभागाचे अध्यक्ष म्हणूनही काम केले आहे.
समरजितसिंह घाटगे हे अगदी परवापर्यंत भारतीय जनता पक्षाचे कोल्हापूर जिल्हाध्यक्ष म्हणून कार्यरत होते.
येत्या 3 सप्टेंबर रोजी समरजितसिंह घाटगे हे ज्येष्ठ नेते शरद पवार यांच्या उपस्थितीत राष्ट्रवादी काँग्रेसमध्ये प्रवेश करणार आहेत