सरकारनामा ब्यूरो
उत्तर प्रदेश विधानसभेच्या अर्थसंकल्पीय अधिवेशनाच्या चौथ्या दिवशी समाजवादी पक्षाच्या आमदार रागिनी सोनकर यांनी प्रश्नांचा भडीमार करून मुख्यमंत्री योगी आदित्यनाथ यांना सळो की पळो करुन सोडले. जाणून घेऊयात त्यांच्याबद्दल...
रागिनी सोनकर यांनी अर्थव्यवस्थेपासून ते इन्कम टॅक्स या महत्वाच्या विषयावर त्यांनी योगींना अडचणीत टाकणारे प्रश्न उपस्थित केले.
अभ्यासात प्रचंड हुशार असलेल्या रागिनी यांनी त्याचे शिक्षण कोलकाता येथून पूर्ण केले. त्यांनी प्रसिध्द आर. जी. कर मेडिकल कॉलेजमधून एमबीबीएस केले.
दिल्लीतील AIIMS मधून त्यांनी नेत्र चिकित्सक म्हणून डिग्री मिळवली. यानंतर त्यांनी अनेक दिवस कोलकाता येथील रुग्णालयात काम केले.
2020ला फेब्रुवारी रागिणी यांचा विवाह व्यवसायाने डॉक्टर असलेले संबित मलिक यांच्याशी झाला.
रागिनी यांचे वडिल कैलाश नाथ सोनकर हे सुहेलदेव भारतीय समाजवादी पक्षातून 15 वर्षे आमदार होते. त्यानंतर रागिनी यांनी समाजवादी पक्षात प्रवेश केला.
त्यांनी सपाच्या तिकीटावर जौनपूर जिल्ह्यातील मच्छली शहर मतदारसंघातून विधानसभेची निवडणूक लढवली. त्यांच्यासाठी ज्येष्ठ नेते जगदीश सोनकर यांचे तिकीट कापण्यात आले.
2022च्या निवडणुकीत मच्छली शहर मतदारसंघातून भाजपाचे मेहीलाल गौतम यांचा 8484 मतांनी पराभव करत विजय मिळवला. यानंतर त्या खूप चर्चेत आल्या.
रागिनी सोनकर दलित समाजाच्या महिला नेता म्हणून प्रसिद्ध आहेत. तसेच यादव कुटुंबाशीही त्यांची जवळीक आहे.