सरकारनामा ब्युरो
शेतकरी आणि दिव्यांग बांधवांच्या विविध मागण्यांसाठी माजी आमदार बच्चू कडू यांनी उपोषणाचं हत्यार उपसलं आहे.
4 दिवसांपासून गुरुकुंज मोझरी येथे सुरु असलेल्या उपोषणाला विविध राजकीय पक्षांचा पाठिंबा मिळत आहे.
राजकीय पक्षांशिवाय बच्चू कडू यांच्या मागे आणखी एक ताकद आहे. ती ताकद आहे गीताचार्य तुकाराम दादा यांची.
आंदोलनस्थळी व्यासपीठावरच बच्चू कडू यांच्या मागे तुकाराम दादा यांची प्रतिमा ठेवण्यात आली आहे.
तुकाराम दादा हे राष्ट्रसंत तुकडोजी महाराज यांचे शिष्य होते. त्यांनी स्थापन केलेल्या गुरुदेव सेवा मंडळाचे ते आजन्म प्रचारक होते.
तुकाराम दादांनी अखंड भारत भ्रमण करून सर्व राज्यांमध्ये गुरुदेव सेवा मंडळाच्या जवळपास 40 हजार शाखा स्थापन केल्या.
तुकडोजी महाराजांच्या ग्रामगीतेतील तत्वाप्रमाणे गाव-खेड्याचा विकास करण्यासाठी त्यांचे योगदान होते.
गावातील अंधश्रद्धा, अस्पृश्यता, जाती-धर्मातील भेद मिटविण्यासाठी तुकाराम दादा यांनी आयुष्यभर प्रयत्न केले.
महिलांवरील अत्याचार, शेतकऱ्यांचे शोषण, राजकीय भ्रष्टाचार, तरुणांमधील व्यसनाधिनता संपण्यासाठी त्यांनी काम केले.
ग्रामसभेला सक्षम करण्यासाठी मध्य प्रदेश आणि महाराष्ट्र शासनाने स्थापन केलेल्या टास्क फोर्स समित्यांचे ते सदस्य होते.
चंद्रपूर जिल्ह्यातील अढ्याळ टेकडी येथे तुकाराम दादांनी जवळपास 12 वर्ष मौन राहुन ग्रामगीतेची साधना केली.