Jagdish Patil
राज्याचे उपमुख्यमंत्री अजित पवार यांचे आज बारामती येथे विमान अपघातात निधन झालं.
मुंबईहून बारामतीमध्ये आलेल्या विमानाच्या लँडिंग दरम्यान झालेल्या अपघातात अजितदादांसह 5 जणांचा मृत्यू झाला.
अजितदादांच्या निधनामुळे महाराष्ट्रावर शोककळा पसरली असून हक्काचा नेता आपल्यातून गेल्याची भावना कार्यकर्त्यांकडून व्यक्त केली जात आहे.
या विमानाचे नेतृत्व करणारे पायलट कॅप्टन सुमित आणि फर्स्ट ऑफिसर शांभवी पाठक करत होते.
अपघातात मृत्यू झालेल्या शांभवी पाठक यांनी मुंबई विद्यापीठातून एरोनॉटिक्स आणि एव्हिएशन सायन्स या विषयात पदवी प्राप्त केली होती.
पायलट होण्यासाठी त्यांनी न्यूझीलंडमधील इंटरनॅशनल कमर्शियल पायलट अकॅडमी येथे प्रशिक्षण घेतलं होतं.
2018 ते 2019 या कालावधीत त्यांनी तेथे व्यावसायिक उड्डाणाचे प्रशिक्षण पूर्ण केलं होतं. त्या 2022 पासून VSR व्हेंचर्स कंपनीत काम करत होत्या.
मृतांमध्ये अजित पवारांचे सुरक्षारक्षक विदीप जाधव, सुमित कपूर आणि शांभवी पाठक (कॅप्टन), पिंकी माळी (फ्लाईट अटेंडंट) यांचाही मृत्यू झाला आहे.
दरम्यान, DGCA ने विमानाच्या अपघाताच्या कारणाची चौकशी करण्याचे आदेश दिले आहेत.