सरकारनामा ब्यूरो
9 ऑक्टोबरला टाटा सन्सचे अध्यक्ष रतन टाटा यांचे निधन झाले. मात्र,त्यांच्या आरटीईएफ फाउंडेशनचे उत्तराधिकारी कोण होणार? त्यांची 15000 कोटीची संपत्ती कोणाला मिळणार याविषयी चर्चांना उधाण आलं आहे...
एंडोमेंट फाउंडेशन (आरटीईएफ) या रतन टाटाच्या कंपनीत गोधळ निर्माण झाल्याने टाटांनी त्यांचे वैयक्तिक पैसे खर्च करून हे फाउंडेशन सुरु ठेवले.
आरटीईएफ या फाउंडेशनमधून समाजसेवेची कामे केली जात होती. परंतु टाटाच्या मृत्युनंतर या फाउंडेशनचा ट्रस्टी कोण असणार आहे याचा उल्लेख त्यांच्या मृत्युपत्रात नसल्याचं समोर आलं आहे.
यामुळे फाउंडेशनचा ट्रस्टीसंदर्भात सर्वोच्च न्यायालयाचे निवृत्त सरन्यायाधीशांच्या मदतीने ट्रस्टी बनवले जाऊ शकतात.
टाटांच्या मृत्युपत्राची अंमलबजावणी करणाऱ्या लोकांमध्ये ट्रस्टी निवडण्याचा अधिकार कोणाला आहे, याचा निर्णय टाटा कुटुंब किंवा टाटा ट्रस्टचे सदस्य घेतील.
यात रतन टाटा यांची एकूण संपत्ती 15,000 कोटी रुपयांपेक्षा जास्त होती. टाटा समूहाच्या अधिकाऱ्यांच्या म्हणण्यानुसार, टाटा यांना RTEF टाटा ट्रस्टपासून वेगळा ठेवायचा होता. पण टाटा सन्समध्ये टाटा ट्रस्टचा 66% इतका हिस्सा आहे.
टाटा यांना त्यांची संपत्ती समाजसेवेत त्यांना गुंतवायची होती. त्यांच्याकडे अनेक गाड्या आहेत.त्यांचा लिलाव होऊ शकतो. आणि त्यातून मिळणारी रक्कम ही आरटीईएफकडे जमा होण्याची शक्यता आहे.
टाटा सन्सचे अध्यक्ष एन. चंद्रशेखरन यांना व्यवस्थापकीय विश्वस्त करण्याची इच्छा व्यक्त केली होती. मात्र, आरटीईएफच्या विश्वस्तपदी कोण असणार हे अद्याप स्पष्ट झालेले नाही.