सरकारनामा ब्यूरो
आकाशात दिसणारी बहुतांश विमाने पांढऱ्या रंगाचीच का असतात? त्यांचा मूळ रंग पांढराच असतो. कंपन्या आपला लोगो किंवा डिझाइन बदलतात, परंतू बेस कलर पांढराच असतो. ही फक्त परंपरा नाही… यामागे आहे मोठं विज्ञान! काय आहेत कारणे तर चला समजून घेऊया.
पांढरा रंग सूर्यकिरण परावर्तित करतो. विमान तासनतास उन्हात उडत असताना बाहेरील कवच जास्त गरम होत नाही.
विमान थंड राहिल्यामुळे आतील उपकरणे सुरक्षित राहतात. केबिनमधील तापमान नियंत्रित ठेवणेही सोपे होते.
पांढऱ्या रंगावर क्रॅक, तेलगळती किंवा गंज सहज लक्षात येतो. देखभाल आणि तपासणी अधिक अचूक होते. डेंट किंवा नुकसान स्पष्ट दिसल्यामुळे तांत्रिक टीमला दुरुस्ती करणे सोपे जाते. सुरक्षा वाढते.
आकाशात पांढरा रंग उठून दिसतो. पक्षी लांबून विमान पाहू शकतात आणि दिशा बदलतात.
जास्त रंग म्हणजे जास्त वजन. पांढरा रंग हलका असल्याने इंधनाचा खर्च कमी होतो. उन्हामुळे पांढरा रंग लवकर फिका पडत नाही. वारंवार पेंट करण्याचा खर्च वाचतो.
पांढऱ्या रंगाची विमाने विकणे सोपे असते. नवीन मालकाला फक्त लोगो बदलावा लागतो. विमानाचा पांढरा रंग हा केवळ सौंदर्य नाही. तो सुरक्षितता, खर्च आणि कार्यक्षमतेशी थेट जोडलेला आहे.
म्हणूनच जगभरातील विमान कंपन्या पांढऱ्या रंगालाच देतात पहिली पसंती! यामुळे विमानाचे आयुर्मान वाढते आणि प्रवाशांचा प्रवास अधिक सुखकर होतो.