सरकारनामा ब्यूरो
सध्या सोशल मीडियावर बिहारमधील भागलपूर येथील काँग्रेस आमदाराच्या मुलीची प्रचंड चर्चा सुरू आहे. मात्र कोण आहेत ते आमदार आणि का सुरू आहे त्यांच्या मुलीची चर्चा जाणून घेऊयात...
जिची सध्या सोशल मीडियावर चर्चा होत आहे, ती हिंदी चित्रपटातील अभिनेत्री नेहा शर्मा आहे.
नेहा शर्मा हिने 2010 ला हिंदी चित्रपटसृष्टीत ‘क्रुक’ या सिनेमातून करियरला सुरुवात केली.
'क्रुक' चित्रपटात तिची आणि इम्रान हाश्मी यांची जोडी प्रेक्षकांना प्रचंड आवडल्याने ती त्यावेळी खूप चर्चेत आली होती.
नेहा हिने ‘यंगिस्तान’, ‘मुबारका’, ‘तुम बिन’, ‘क्या सुपरकूल हैं हम’ अशा हीट सिनेमांमध्ये महत्त्वाची भूमिका बजावली. पण नेहा तिची ओळख एक प्रसिद्ध अभिनेत्री म्हणून करू शकली नाही.
नेहा सध्या चित्रपटासाठी नाही, तर तिच्या फिटनेसमुळे सोशल मीडियावर सतत चर्चेत असते. ती तिच्या फिटनेस टिप चाहत्यांबरोबर शेअर करते. तिच्या फिटनेसचे अनेक सेलिब्रिटी खूप कौतुक करतात.
नेहा हिचे वडील आणि काँग्रेस पक्षाचे आमदार अजित शर्मा यांनी बिहारमधील भागलपूर मतदारसंघातून तीनदा निवडणूक लढवत ती जिंकली आहे.
2015 च्या लोकसभा निवडणुकीत नेहा ही अजित शर्मा यांच्याबरोबर प्रचारात सहभागी झाली होती. मात्र त्यावेळी अजित शर्मा यांना पराभवाचा सामना करावा लागला होता.