Aslam Shanedivan
राज्यातील महायुती सरकारची मुख्यमंत्री माझी लाडकी बहीण ही महत्त्वकांक्षी योजना आहे
या योजनेंतर्गंत राज्यातल्या पात्र महिलांच्या खात्यात दीड हजार रूपयांची रक्कम जमा होते. आता या रक्कमेचा फायदा व्यावसायासाठी करता येणार आहे
मुंबईत लाडकी बहीण योजनेचा लाभ घेणाऱ्या महिलांना कर्ज योजना सुरू करण्यात येणार आहे.
लाडकी बहीण योजनेचा लाभ घेणाऱ्या महिलांना व्यवसायासाठी 10 हजार ते एक लाख रुपयांपर्यंतचे कर्ज मिळणार आहे.
मुंबई बँकेच्या माध्यमातून ही विशेष कर्ज योजना राबवण्यात येणार असून या कर्जाचे हफ्ते सरकारकडून मिळणाऱ्या 1500 रूपयातून वळते होणार आहेत
त्यामुळे ज्या महिलांना स्वतंत्र व्यवसाय करायचा आहे. त्यांच्यासाठी ही योजना फायद्याची ठरणार आहे.
या योजनेतून कर्ज घेण्यासाठी 5 ते 10 महिलांना एकत्र येऊन व्यवसाय करावा लागणार आहे.
महिला व बालविकास विभाग आणि मुंबई बँकेच्या संयुक्त विद्यमाने ही विशेष कर्ज योजना राबवण्यात येणार आहे. तर या योजनेमागचा उद्देश हा व्यवसायातून महिलांना आर्थिकदृष्ट्या सक्षम करण्याचा आहे