Rajanand More
यतिंद्र सिध्दरामय्या हे कर्नाटकाच्या राजकारणातील मोठे नाव आहे. सध्या ते विधान परिषदेचे आमदार आहेत.
कर्नाटकचे मुख्यमंत्री सिध्दरामय्या यांचे ते धाकटे पुत्र आहेत. थोरल्या भावाच्या अकाली निधनानंतर यतिंद्र यांचा राजकारणात प्रवेश झाला.
यतिंद्र यांनी २०१८ मध्ये पहिल्यांदा विधानसभेची निवडणूक लढवली. वडिलांचा पारंपरिक मदारसंघ असलेल्या वरुणा मतदारसंघातून ते विजयी झाले.
२०२३ ची विधानसभा निवडणूक यतिंद्र यांनी लढवली नाही. त्यानंतर २०२४ मध्ये काँग्रेसने त्यांना विधान परिषदेत पाठविले.
यतिंद्र हे पेशाने डॉक्टर आहेत. त्यांनी एमबीबीएस ही पदवी मिळवली होती. पण अचानक त्यांना राजकारणात यावे लागले.
यतिंद्र हे नेहमीच प्रसिध्दीपासून दूर राहिले. अत्यंत साधे राहणीमान आहे. वादग्रस्त विधाने करत नाहीत. राजकीय कुरघोड्यांपासूनही चार हात लांब असतात.
वडिलांचे राजकीय करिअर अंतिम टप्प्यात असल्याचे विधान करत यतिंद्र यांनी खळबळ उडवून दिली. त्यामुळे ते अचानक प्रकाशझोतात आले आहेत.
एवढेच नाही तर यतिंद्र यांनी थेट मंत्री सतीश जारकीहोळ यांच्या नाव मुख्यमंत्रिपदासाठी पुढे करत वडिलांचीच कोंडी केली आहे.