Dinvishesh 8 February : काय घडलं होतं त्या वर्षी वाचा आजच्या ऐतिहासिक घटना..

1897 - भारताचे तिसरे राष्ट्रपती व नामवंत शिक्षणतज्ज्ञ डॉ. झाकिर हुसेन यांचा जन्म. महात्मा गांधींच्या शिक्षणविषयक कल्पना प्रत्यक्षात आणण्यासाठी त्यांनी अलिगड येथे जामिया मिलिया ही संस्था स्थापन केली. 1963 मध्ये त्यांना "भारतरत्न' पुरस्कार देण्यात आला.

1899 - रँडचा वध करणाऱ्या चापेकर बंधूंची नावे इंग्रज सरकारला सांगणाऱ्या द्रविड बंधूंचा वासुदेव चापेकर आणि महादेव रानडे यांनी गोळ्या झाडून वध केला

1952 - दुसऱ्या एलिझाबेथ राणीचा राज्याभिषेक. साठ वर्षे कारभार करणाऱ्या व्हिक्‍टोरिया राणीच्या खालोखाल एलिझाबेथ यांची कारकीर्द प्रदीर्घ झाली आहे.

1971 - मुंबईचे पहिले गृहमंत्री, हैदराबाद संस्थानात भारत सरकारचे एजंट जनरल, नामवंत साहित्यिक आणि "भारतीय विद्याभवन'चे संस्थापक डॉ. कन्हय्यालाल मुन्शी यांचे निधन.

1971- NASDAQ हा अमेरिकन शेअर बाजार निर्देशांक सुरू झाला.

1994 - ख्यातनाम चित्रकार गोपाळराव देऊसकर यांचे मध्यरात्री निधन. बालगंधर्व रंगमंदिरातील तैलचित्रे, टिळक स्मारक मंदिरातील भित्तिचित्रे, फर्ग्युसनच्या नामवंत विद्यार्थ्यांची तैलचित्रे ही त्यांची कामे प्रसिद्ध आहेत.

1995 - भारताचे माजी नौदलप्रमुख ऍडमिरल भास्करराव सोमण यांचे निधन. 1965 च्या युद्धाच्या काळात ते नौदलप्रमुख होते. सरसेनापती पदापर्यंत जाणारे ते पहिले मराठी अधिकारी होते.

Next : परराष्ट्रमंत्र्यांचे 'जपानी' प्रेम; तुम्हाला माहितीये का? त्यांची भन्नाट 'लव्हस्टोरी'