पुण्यात शिवाजीनगरच्या कॉर्नरला 'शिमला ऑफिस' कसं? काय आहे इतिहास?

1875 मध्ये 'आयएमडीची स्थापना :

1875 मध्ये 'आयएमडीची स्थापना झाल्यानंतर कोलकाता आणि सिमला (तत्कालीन उन्हाळी राजधानी) येथून दैनंदिन कार्य सुरू झाले.

सिमला हेच 'आयएमडी'चे अधिकृत मुख्यालय :

1885 पासून दैनंदिन, मासिक आणि दीर्घकालीन अंदाज देण्याचे काम शिमला येथून सुरू झाले. शिमला हेच 'आयएमडी'चे अधिकृत मुख्यालय झाले.

IMD मैदानी भागात स्थलांतरित करण्याची तयारी :

पुढे 'आयएमडी'च्या कामाचा पसारा वाढू लागल्यानंतर संस्थेचे मुख्यालय मैदानी भागात असावे असा विचार पुढे आला.

पुण्याचा विचार पुढे :

हे मुख्यालय पुण्यात स्थलांतरित करण्याचा प्रस्ताव तत्कालीन महासंचालक सर गिल्बर्ट वॉकर यांनी 1924 मध्ये सरकारकडे पाठवला.

1928 साली IMD पुण्यात आले :

या प्रस्तावाला मंजुरी मिळून 1928 पासून आयएमडीचे काम पुण्यातून सुरु झाले.

शिवाजीनगरची निवड :

शिवाजीनगरला 10 एकरांत आयएमडीची वेधशाळा, कार्यालयाची इमारत आणि अधिकाऱ्यांचे निवास उभारण्यात आले.

शिमला ऑफिस :

सिमल्यावरून हे मुख्यालय पुण्यात आल्यामुळे पुणेकरांनी या वेधशाळेचे नामकरण शिमला ऑफिस असे केले.

'आयएमडी'चे मुख्यालय दिल्ली :

दुसऱ्या महायुद्धादरम्यान हवामानाची माहिती त्वरित उपलब्ध व्हावी, यासाठी 'आयएमडी'चे मुख्यालय दिल्लीला हलवले. स्वातंत्र्यानंतरही ते दिल्लीतच राहिले.

पुण्याच्या शिमला ऑफिसला महत्व :

'IMD'मध्ये पुण्याच्या शिमला ऑफिसला अनन्यसाधारण महत्व आहे. राष्ट्रीय आणि आंतरराष्ट्रीय हवामानशास्त्रीय सेवांचे पुणे हे केंद्र आहे.

अनेक अंदाज पुण्यात तयार होतात :

पुढील काही तासांपासून ते मान्सून किंवा ऋतूंचे हंगामी अंदाज विविध मॉडेलच्या साह्याने पुण्यात तयार केले जातात.

सर्वांना उपयोगी असणारे अंदाज :

शेतकरी, प्रशासन, धरण व्यवस्थापन, ऊर्जा, आरोग्य अशा विविध क्षेत्रांना अपेक्षित असणारे नेमके अंदाज 'IMD' कडून दिले जातात.

अत्याधुनिक आयएमडी पुणे :

देशभरातून जमा होणाऱ्या हवामानाच्या नोंदींचे संकलन करून तत्काळ त्या संग्रहित करण्याची व्यवस्था आयएमडी पुणेकडे आहे.

चला काश्मीरला, दहशतवादाला हरवायचंय! मराठमोळ्या अभिनेत्यानं गाठलं पहलगाम...