Rajanand More
संगमनेर नगरपरिषदेच्या निवडणुकीत नगराध्यक्षपदाच्या उमेदवार व आमदार सत्यजित तांबे यांच्या पत्नी मैथिली तांबे यांनी दणदणीत विजय मिळविला आहे. संगमनेर सेवा समितीच्या त्या उमेदवार होत्या.
मैथिली यांनी भाजप-शिवसेना युतीच्या उमेदवार सुवर्णा खताळ यांचा तब्बल १६ हजार ४०० मतांनी पराभव केला आहे.
सेवा समितीने ३० पैकी २७ जागांवर विजय मिळवत युतीचा सुपडा साफ केला. आमदार अमोल खताळ यांच्यासाठी हा सर्वात मोठा धक्का ठरला.
संगमनेर सेवा समिती ही सत्यजित तांबे आणि माजी मंत्री बाळासाहेब थोरात यांच्या नेतृत्वाखाली होती. थोरात यांचा विधानसभा निवडणुकीत खताळांनी पराभव केला होता. या पराभवाचा नगरपरिषदेच्या निवडणुकीत वचपा काढल्याची चर्चा.
विजयानंतर मैथिली यांनी २७ हा आकडा लकी ठरल्याची भावना व्यक्त केली आहे. त्यामागचं कारणही त्यांनी सांगितलं आहे.
सत्यजित व मैथिली तांबे या दोघांचा वाढदिवस अनुक्रमे २७ सप्टेंबर व २७ एप्रिल यादिवशी असतो. दोघांच्याही तारखेत २७ आकडा आहे.
निवडणुकीत सेवा समितीचे २७ उमेदवार निवडून आले आहेत. त्यामुळे हा आकडा लकी ठरल्याचे मैथिली यांनी म्हटले आहे. काही दिवसांपासून हा आकडा स्वप्नातही येत होता, असेही त्या म्हणाल्या आहेत.
मैथिली तांबे या दंतचिकित्सक असून सध्या शिक्षण क्षेत्रामध्ये सक्रीय आहे. मराठी, हिंदी, इंग्रजीसह त्यांना तमिळ भाषा अवगत आहे. त्यांचा जन्म चेन्नईतील आहे. तर माहेर सांगली जिल्ह्यातील आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.