Myscheme : एका क्लिकवर उघडणार सरकारी योजनांचा खजिना; जाणून घ्या तुमच्यासाठी कोणती योजना उपयोगी?

गुंतवणूक का गरजेची?

आजच्या काळात फक्त कमाई पुरेशी नाही, तर योग्य नियोजन आणि सुरक्षित गुंतवणूकही तितकीच महत्त्वाची आहे.

आर्थिक नियोजन

स्वतःच्या आणि कुटुंबाच्या भविष्यासाठी प्रत्येकाने आर्थिक नियोजन करणे आवश्यक झाले आहे. यासाठी सरकारने नागरिकांसाठी अनेक उपयुक्त योजना सुरू केल्या आहेत.

योजना आहेत अनेक, पण योग्य कोणती?

केंद्र आणि राज्य सरकारकडून शेतकरी, महिला, विद्यार्थी, नोकरदार, ज्येष्ठ नागरिकांसाठी विविध योजना राबवल्या जातात. मात्र, कोणती योजना आपल्यासाठी योग्य आहे, हे शोधणे अनेकदा कठीण जाते.

एका क्लिकवर सोल्यूशन!

ही अडचण दूर करण्यासाठी भारत सरकारने एक खास डिजिटल प्लॅटफॉर्म तयार केला आहे. या प्लॅटफॉर्मवर तुम्हाला तुमच्यासाठी योग्य असलेल्या सरकारी योजनांची माहिती अवघ्या एका क्लिकवर मिळते.

काय आहे myScheme पोर्टल?

myScheme हे भारत सरकारचे अधिकृत डिजिटल पोर्टल आहे. येथे केंद्र आणि राज्य सरकारच्या सर्व योजनांची एकत्रित माहिती दिली जाते. नागरिकांना योग्य योजना शोधणे अधिक सोपे व्हावे, हाच या पोर्टलचा उद्देश आहे.

तुमच्या माहितीनुसार योजना

या पोर्टलवर तुम्ही तुमचे वय, उत्पन्न, लिंग, राज्य अशी मूलभूत माहिती भरली की. त्यानुसार तुम्ही कोणत्या सरकारी योजनेसाठी पात्र आहात, हे स्क्रीनवर लगेच दिसते.

एकाच ठिकाणी सर्व योजना

myScheme पोर्टलवर शिष्यवृत्ती, किसान योजना, महिला व बालकल्याण योजना, पेन्शन योजना, रोजगार योजना यासह अनेक सरकारी योजनांची सविस्तर माहिती उपलब्ध आहे.

तीन सोप्या स्टेप्स

सर्वप्रथम myScheme पोर्टलवर भेट द्या.
त्यानंतर “Find Schemes for You” या पर्यायावर क्लिक करा.
यानंतर तुमची आवश्यक माहिती भरा.

Next : छगन भुजबळ मुंबईचे महापौर कधी होते?