Rashmi Mane
सरकारी कर्मचाऱ्यांसाठी दिलासादायक बातमी समोर आली आहे. केंद्र सरकारच्या निर्णयानंतर आता काही पात्र कर्मचाऱ्यांना NPS ऐवजी जुनी पेन्शन योजना (OPS) निवडण्याची संधी उपलब्ध होणार आहे.
वैज्ञानिक आणि औद्योगिक संशोधन परिषद (CSIR) ने पात्र कर्मचाऱ्यांना जुनी पेन्शन योजना स्वीकारण्याचा पर्याय देण्यास मंजुरी दिली आहे. यासाठी आवश्यक प्रशासकीय प्रक्रिया सुरू करण्यात आली असून संबंधित आदेशही जारी करण्यात आले आहेत.
हा लाभ विशेषतः अनुकंपा तत्त्वावर नियुक्त झालेल्या कर्मचाऱ्यांसाठी आहे. ज्यांनी 1 जानेवारी 2004 पूर्वी नोकरीसाठी अर्ज केला होता, पण नियुक्ती त्यानंतर झाली, अशा कर्मचाऱ्यांना या निर्णयाचा फायदा मिळू शकतो.
एखादा सरकारी कर्मचारी सेवेत असताना निधन पावल्यास किंवा कायमस्वरूपी अपंग झाल्यास त्याच्या कुटुंबातील पात्र सदस्याला नोकरी देण्याची प्रक्रिया म्हणजे अनुकंपा नियुक्ती. अशा कुटुंबांना आर्थिक आधार मिळावा हा त्यामागील उद्देश असतो.
1 जानेवारी 2004 पासून केंद्र सरकारने राष्ट्रीय पेन्शन प्रणाली (NPS) लागू केली. त्यामुळे त्यानंतर रुजू झालेल्या अनेक कर्मचाऱ्यांचा समावेश NPS मध्ये झाला, जरी त्यांची भरती प्रक्रिया त्यापूर्वी सुरू झाली असली तरी.
पात्र कर्मचाऱ्यांना आता NPS सुरु ठेवायची की जुनी पेन्शन योजना स्वीकारायची, याचा पर्याय देण्यात आला आहे. त्यामुळे निवृत्तीनंतर अधिक स्थिर पेन्शनचा लाभ मिळवण्याचा मार्ग खुला झाला आहे.
CSIR ने 7 जुलै 2026 रोजी यासंदर्भातील आदेश जारी केले आहेत. हा निर्णय कार्मिक, सार्वजनिक तक्रार आणि निवृत्तीवेतन मंत्रालयाने 22 जून 2026 रोजी दिलेल्या मार्गदर्शक सूचनांच्या आधारे लागू करण्यात आला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.