Rambhau Mhalgi Death Anniversary : भाजपच्या आदरस्थानी असलेले रामभाऊ म्हाळगी कोण होते?

संघाचे प्रचारक -

रामचंद्र काशीनाथ म्हाळगी ऊर्फ रामभाऊ म्हाळगी हे राष्ट्रीय स्वयंसेवक संघाचे प्रचारक होते.

संघटनेसाठी प्रवास -

1952 -53 च्या सुमारास रामभाऊ राजकारणात आले. सुरुवातीला भारतीय जनसंघ अर्थात आताच्या भाजपच्या संघटनाची जबाबदारी त्यांनी यथायोग्य पार पाडली. संघटना बांधणीसाठी त्यांनी महाराष्ट्रभर प्रवास केला.

जन्म -

रामभाऊंचा जन्म पुणे जिल्ह्यातील कुडूस गावी झाला. प्राथमिक शिक्षण कुडूसमध्ये, तर माध्यमिक शिक्षण पुण्यात झाले. विद्यार्थिदशेतच संघाच्या संपर्कात आले. मद्रास व सोलापूर येथे त्यांनी संघ प्रचारक म्हणून काम केले.

महाराष्ट्रातून पहिले आमदार -

जनसंघाची स्थापना झाल्यावर महाराष्ट्राच्या विधानसभेतले ते पहिलेच आमदार होते. आपल्या कार्याच्या बळावर ते जनसंघचे प्रदेशाध्यक्षदेखील बनले. त्यांची जडणघडणच संघाच्या मुशीत झाली.

सर्वांगीण नेतृत्व -

यासोबतच ते मध्य रेल्वे स्टेशन मास्टर्स संघटनेचे उपाध्यक्ष आणि पुणे बार काउन्सिलचे उपाध्यक्षदेखील होते. रामभाऊ म्हाळगी यांनी खऱ्या अर्थाने भारतीय जनसंघ महाराष्ट्रात वाढवण्याचे काम केले.

प्रभावी वक्तृत्वशैली -

जनसंघाचे चारच आमदार होते तरीदेखील अभ्यासपूर्ण भाषणामुळे रामभाऊंचा विधानसभेत मोठा दबदबा होता. ते बोलायला लागले की सर्व सभागृह शांत असायचे, त्यांच्या भाषणात कधीही गोंधळ होत नव्हता.

आमदार - खासदार -

1957, 1967 आणि 1972 असे तीन वेळा भारतीय जनसंघाकडून विधानसभेत आमदार तर 1977 व 1980 असे दोन वेळा ठाणे मतदारसंघातून लोकसभेचे खासदार म्हणून निवडून गेले.

निधन -

6 मार्च 1982 रोजी वयाच्या साठाव्या वर्षी त्यांची प्राणज्योत मावळली.

R

NEXT : बाळासाहेब थोरातांच्या कन्येची राजकारणात एन्ट्री; जयश्री थोरात यांना काँग्रेसने दिली नवी जबाबदारी