Deepak Kulkarni
काही दिवसांपूर्वी खासदार सुप्रिया सुळे यांनी ऋतुजा पाटील या पवार कुटुंबाची सून होणार असल्याची माहिती सोशल मीडियावर फोटो शेअर करत दिली होती.
महाराष्ट्राचे उपमुख्यमंत्री अजित पवार यांचे धाकटे चिरंजीव जय पवार आणि उद्योजक प्रवीण पाटील यांची कन्या ऋतुजा पाटील यांचा साखरपुड्याचा सोहळा गुरुवारी (ता.11) घोटावडे येथील फार्म हाऊसवर विशेष निमंत्रितांंच्या उपस्थितीत पार पडला.
आकर्षक विद्युत रोषणाई,नयनरम्य सजावट मोजक्या पाहुण्यांच्या उपस्थितीत अगदी पारंपारिक पध्दतीनं अजित पवारांच्या फार्महाऊसवर सोहळा संपन्न झाला.या सोहळ्याची जोरदार चर्चा सुरू आहे.
जय पवार आणि ऋतुजा पाटील हे गेल्या काही दिवसांपासून एकमेकांच्या संपर्कात असल्याची चर्चा असून अखेर त्यांनी लग्नाच्या बेडीत अडकण्याच्या दृष्टीनं पुढं पाऊल टाकलं आहे.
जय पवार आणि ऋतुजा पाटील यांच्या या साखरपुडा सोहळ्याचे फोटो, व्हिडिओ सोशल मीडियावर मोठ्या प्रमाणात व्हायरल झाल्याचे पाहायला मिळत आहे.
ऋतुजा या फलटण येथील सहकारमहर्षी हणमंतराव पवार यांची नात, तर प्रवीण पाटील आणि पल्लवी पाटील यांची ऋतुजा पाटील ही कन्या आहे. प्रवीण पाटील हे सोशल मीडिया कंपनी सांभाळतात.
तसेच ऋतुजा पाटील यांचे वडील आयडिया या टेलिकॉम कंपनीत सीईओ म्हणून कार्यरत होते. नंतर त्यांंनी स्वतःचा 'जायंट सायकल' म्हणून सायकल मॅन्युफॅक्चरिंग ब्रँडची सुरूवात केली. मल्टिनॅशनल कंपन्यांंचे कन्सल्टन्ट म्हणून जबाबदारी पार पडत आहेत.
राजकारणापासून काहीसे अलिप्त राहणारे जय पवार यांना उद्योगक्षेत्राची विशेष आवड आहे. काही वर्षे त्यांनी दुबईत व्यवसाय केल्याचेही बोलले जाते. तर ऋतुजा याही फलटण येथील श्रीराम बाजार या किराणाशी संबंधित मॉलच्या सध्या संचालिका आहेत.
जय पवार आणि ऋतुजा पाटील यांच्या साखरपुड्याच्या सोहळ्यासाठी पवार कुटुंबातील सगळ्याच सदस्यांनी आवर्जून हजेरी लावली होती.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.