Aslam Shanedivan
राज्यात महापालिका निवडणुकांच्या प्रचाराचा धुरला बसला असून गुरूवारी (ता.१५) प्रत्यक्ष मतदान होणार आहे.
पण त्याआधी राज्य निवडणूक आयोगाने दुबार मतदारांबाबत महत्त्वाचा निर्णय घेतला आहे. ज्या मतदारांची नावे मतदार यादीत दोन ठिकाणी नावे असतील त्यांची नोंद दुबार मतदार अशी आहे.
मतदारांच्या नावासमोर दोन स्टार** किंवा () असे चिन्ह असेल ते दुबार मतदार असून त्यांना नवा नियम लागू करण्यात आला आहे.
अशा दुबार मतदारांना दोन ओळखपत्रे सादर करणे बंधनकारक असणार असून आयोगाने निश्चित केलेल्या १२ वैध ओळखपत्रांपैकी कोणतेही दोन ओळखपत्रे दाखवावी लागणार आहेत.
यासोबतच, त्या मतदारांकडून एकाच मतदान केंद्रावर मतदान करणार असल्याचे हमीपत्र (अर्ज ‘बी’) देखील भरून घेतले जाणार आहे.
मुंबई महानगरपालिकेचा विचार केल्यास सुमारे १ कोटी ३ लाख मतदार मतदानासाठी पात्र असून तब्बत १ लाख ६८ हजार मतदार दुबार असल्याचे समोर आले आहे.
या १ लाख २६ हजार ६१६ दुबार मतदारांची प्रत्यक्ष पडताळणी पालिकेच्या कर्मचाऱ्यांनी केली असून ४८ हजार ३२८ दुबार मतदारांनी ‘फॉर्म अ’ जमा केला आहे.
‘फॉर्म अ’हा दुबार मतदार फक्त एकाच प्रभागात मतदान करणार असून दुसऱ्या ठिकाणी मतदान करणार नाही असे ते हमीपत्र आहे
या निर्णयामुळे निवडणुकीत दुहेरी मतदानाचा धोका टाळता येणार असून, दुबार मतदारांना मतदानाचा हक्क बजावण्यासाठी दोन वैध ओळखपत्रे सोबत बाळगावी लागणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.