Maharashtra News Live Update: भोंदू अशोक खरातची पालिस कोठडी आज संपणार

पुणे जिल्हा परिषदेच्या नवनिर्वाचित सभापतींना विषय समित्यांचे वाटप आणि विविध विषय समित्यांच्या सदस्यांच्या निवडीसाठी येत्या गुरुवारी (दि. १६ एप्रिल) जिल्हा परिषदेची विशेष सर्वसाधारण सभा बोलावण्यात आली आहे. या सभेत सध्या समित्यांविना असलेल्या तीन पदाधिकाऱ्यांना विषय समित्यांचा पदभार देण्यात येणार आहे. प्रत्येकी दोन समित्या अशा एकूण सहा समित्यांचे वाटप केले जाईल. यामध्ये अर्थ व शिक्षण, बांधकाम व आरोग्य, तसेच कृषी व पशुसंवर्धन समित्यांचा समावेश आहे.

पंतप्रधान नरेंद्र मोदी आज सकाळी 11 वाजण्याच्या सुमारास नवी दिल्लीतील विज्ञान भवन येथे होणाऱ्या राष्ट्रीय स्तरावरील ‘नारी शक्ती वंदन संमेलना’ला उपस्थित राहतील. याप्रसंगी ते उपस्थितांना मार्गदर्शन करणार आहेत.

अशोक खरातच्या ईशानेश्वर मंदिर, नाशिकचे कार्यालय आणि वेगवेगळ्या ठिकाणी असलेल्या जमिनीची ईडी अधिकाऱ्यांनी पाहणी केली आहे. त्यांच्या प्रॉपर्टीची मोजणी आणि सध्याच्या बाजारमूल्याचा तपास करण्यात येणार आहे.