अहमदनगर : अहमदनगर जिल्हा रुग्णालयातील कोविड विभागाच्या अतिदक्षता विभागाला 6 नोव्हेंबर रोजी आग लागली होती. या आगीत 12 रुग्णांचा मृत्यू झाला. या प्रकरणी तोफखाना पोलिस ठाण्यात दाखल असलेल्या सदोष मनुष्यवधाच्या गुन्ह्यात चार आरोपींना अटक करण्यात आली होती. Four accused in Ahmednagar fire case granted bail
आरोपींमध्ये एक वैद्यकीय अधिकारी व तीन परिचारिका यांचा समावेश आहे. वैद्यकीय अधिकारी विशाखा शिंदे, परिचारिका सपना पठारे, आस्मा शेख आणि चन्ना आनंत यांना अटक करण्यात आली होती. राज्याच्या आरोग्य विभागाने यातील शिंदे आणि पठारे यांना निलंबित तर शेख आणि चंन्नाआनंत यांचा सेवा समाप्ती करण्याचा आदेश दिला होता. या अग्निकांड प्रकरणाची गंभीर दखल राज्य सरकारने घेतली असून जिल्हा शल्य चिकित्सक डॉ. सुनील पोखरणा यांच्यासह सहा जणांवर कारवाई करण्यात आली होती. मात्र डॉक्टरांच्या व परिचारिकांच्या संघटनांच्या आंदोलनामुळे यातील डॉ. विशाखा शिंदे यांचे निलंबन आरोग्य विभागाने मागे घेतले आहे.
अहमदनगर जिल्हा शासकीय रुग्णालयात लागलेल्या आग आणि बारा रुग्ण मृत्यू प्रकरणी सदोष मनुष्यवधाच्या गुन्ह्यात अटकेत असलेल्या एक डॉक्टर आणि तीन परिचारिकांना आज अहमदनगर जिल्हा न्यायालयाने जामीन मंजूर केला आहे. 25 हजार रुपयांच्या वैयक्तिक जातमुचलक्यावर या चौघांना जामीन मंजूर करण्यात आला आहे. त्याचबरोबर न्यायालयाने जामीन मंजूर करताना या चारही जणांवर काही अटी आणि शर्ती ठेवलेले आहेत. आरोपींना तपासात सहकार्य करण्यास न्यायालयाने सांगितले आहे.
डॉक्टर विशाखा शिंदे यांच्यासह दोन परिचारिका आणि एक परिचारक यांना जामीन मंजूर झाल्याने परिचारिका संघटना, डॉक्टर संघटना यांनी समाधान व्यक्त केले आहे. जिल्हा शल्यचिकित्सक सुनील पोखरणा यांना आधीच न्यायालयाकडून अटकपूर्व जामीन मंजूर झालेला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.