Petrol-Diesel Price : पेट्रोल-डिझेलच्या दर कपातीची चर्चा प्रत्येक्षात येणार का?

मुंबई : वाढत्या महागाईने देशातील सामान्य जनतेचे कंबरडे मोडले आहेत. यात घरगुती गॅसचे दर देखील 1 हजारांवर आहे. याचवेळी पेट्रोल डिझेलचे दर देखील कमी व्हावेत, अशी मागणी जोर धरु लागली आहे. याचदरम्यान, आता सामान्य जनतेला दिलासा मिळण्याची शक्यता असून याबाबतची मोठी माहिती समोर आली आहे. लवकरच पेट्रोल डिझेलचे दर कमी होण्याची शक्यता आहे. (Petrol-Diesel Price News)

मागील वर्षी पेट्रोल डिझेलच्या (Petrol-Diesel) दरात सातत्याने वाढ करण्यात होताना होती. मात्र, मे महिन्यांपासून आंतरराष्ट्रीय बाजारात कच्च्या तेलाचे दर (Crude Oil) नीच्चांकी पातळीवर असतानाही सर्वसामान्य नागरिकांना दिलासा मिळालेला नव्हता. राज्यातील सत्तांतर झाल्यानंतर शिंदे-फडणवीस (Fadnavis) सरकारने राज्यात पेट्रोल डिझेलचे दर कमी केले होते. पेट्रोल प्रति लिटर ५ रूपये तर डिझेल प्रति लिटर ३ रूपये स्वस्त केलं होते. आता पुन्हा एकदा इंधनाच्या दरात कपात होण्याची शक्यता आहे.

आंतरराष्ट्रीय (International) पातळीवर सातत्याने कच्च्या तेलाच्या दरात घसरण होत आहे. देशात सध्या क्रुड ऑईलच्या किंमती 90 रुपये प्रति बॅरलवर व्यापार करत आहेत. सध्या या किंमती 82 रुपयांच्या आसपास आहेत. नोव्हेंबर महिन्यात क्रूड ऑईलच्या किंमतीत पुन्हा 7 टक्क्यांनी घसरण झालेली पाहायला मिळाली आहे. याच पार्श्वभूमीवर पुन्हा एकदा पेट्रोल-डिझेलच्या दरात पाच रुपयांपर्यंत कमी होण्याची शक्यता आहे. त्यामुळे सामान्य जनतेला दिलासा मिळणार आहे.

कच्च्या तेलाच्या किंमतीत मार्च महिन्यांपासून एकूण 27% घसरण दिसून आली आहे. गेल्या काही महिन्यांपासून सातत्याने घसरण होत आहे. परंतु, पेट्रोल-डिझेलच्या किंमतीत काहीच बदल झालेला नाही. तेल कंपन्या नुकसानीचा दावा करत होत्या. पण त्यांचे नुकसान भरुन निघाल्याचा दावा करण्यात येत आहे. पुढील काही दिवसांत देशात पेट्रोल डिझेलच्या किमती कमी होऊ शकतात. याबाबतचा निर्णय तेल कंपन्या अंमलबजावणी करण्याची शक्यता तज्ज्ञांनी व्यक्त केली आहे. त्यामुळे पेट्रोल-डिझेलच्या किंमतीत घसरण होण्याची शक्यता आहे. याबाबतचे वृत्त एका वृत्तवाहीनीने दिले आहे. (Petrol-Diesel Price News)