सोलापूर : सभा तहकूब करण्यात आली होती. त्यामुळं सर्वपक्षीय नगरसेवकांची ही सर्वसाधारण सभा वेळेवर पार पडेल अशी अपेक्षा होती. मात्र सोलापूर महापालिकेतील सर्वसाधारण सभेमध्ये मनपा आयुक्त पी. शिवशंकर हे वेळेवर हजार झाले नाहीत, त्यामुळं सर्वसाधारण सभा सुरु होऊ शकली नाही. त्याच्या निषेधार्थ सोलापूर महापालिकेतील काँग्रेस,राष्ट्रवादी,वंचित,शिवसेना,एम आय एम,कम्युनिस्ट अशा सर्वच पक्षाच्या नगरसेवकांनी आयुक्तांची खुर्ची उचलून थेट महापौरांच्या केबिनमध्ये नेऊन ठेवली.
महापालिकेत कोरोना व्हायरसच्या पार्श्वभूमीवर सर्व काळजी घेत आज सर्वसाधारण सभेचे आयोजन करण्यात आले होते. या अगोदरची ही सर्वसाधारण सभा तहकूब करण्यात आली होती. त्यामुळं सर्वपक्षीय नगरसेवकांची ही सर्वसाधारण सभा वेळेवर पार पडेल अशी अपेक्षा होती. मात्र, मनपा आयुक्त पी. शिवशंकर हे वेळेवर हजार झाले नाहीत.
वेळेचे भान नसणाऱ्या अधिकाऱ्यांना महापौरांनी पाठीशी घालू नये, अशी मागणी ही महापौरांकडे या सर्वपक्षीय नगरसेवकांनी केली. या वेळी सर्वपक्षीय नगरसेवकांनी महापौरांच्या केबिनमध्ये बसून अकार्यक्षम आयुक्तांच्या विरुद्ध नगरसेवकांनी जोरदार घोषणाबाजी केली. दरम्यान सर्व राजकीय नाट्य आटोपल्यानंतर सोलापूर मनपा सर्वसाधारण सभा सुरळीतरीत्या पार पाडण्यात आली.
Edited By - Amit Golwalkar
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.