
अकोला : राज्याचे कृषी मंत्री भाऊसाहेब फुंडकर यांच्या अकाली निधनाचे बातमी ऐकून धक्काच बसला. भाऊसाहेबांना 1986 मध्ये मी पहिल्यांदा भेटलो. तेव्हा त्यांच्या विरोधात निवडणुक लढावी लागेल, असे वाटले नव्हते.
पण नंतरच्या काळात आम्ही एकमेकांच्या विरोधात लढत होतो, अशी जरी परिस्थिती असली तरी आमच्यातील स्नेहाचे व मैत्रीचे संबंध कायम होते, अशी भावना भारिप बहुजन महासंघाचे राष्ट्रीय अध्यक्ष बाळासाहेब आंबेडकर यांनी व्यक्त केली.
भारतीय जनता पक्षाचा बालेकिल्ला असलेल्या अकोला लोकसभा मतदारसंघाचे भाऊसाहेब फुंडकर यांनी 1989, 1991, 1996 मध्ये झालेल्या निवडणुकांमध्ये सलग तिन वेळा विजयी पताका फडकविली होती. मात्र, 1998, 1999 च्या लोकसभा निवडणुकीत भाऊसाहेबांना बाळासाहेब आंबेडकर यांच्याकडून पराभव स्विकारावा लागला.
भाऊसाहेब यांच्या आठवणी सांगता ऍड . आंबेडकर म्हणाले, की माझी भाऊसाहेबांशी 1986 मध्ये पहिल्यांदा भेट झाली.तेव्हा त्यांच्या विरोधात निवडणूक लढावी लागेल असे वाटले नव्हते. पण नंतरच्या काळात ते सातत्याने भाजपचे उमेदवार राहिले आणि आम्ही एकमेकांच्या विरोधात लढत होतो.
अशी जरी परिस्थिती असली तरी आमच्यातील संबंध हे कायमच स्नेहाचे आणि मैत्रीचे होते. भाऊसाहेबांच्या निधनाने राजकीय विचारांची देवाण-घेवाण करणारे नेतृत्व हरविले आहेत. त्यांच्या जाण्याचे दुःख व्यक्त होत आहे. त्यांच्या कुटुंबियांना यातुन सावरण्याची ताकद मिळो, अशी भावना आंबेडकर यांनी व्यक्त केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.