सातारा : कार्यालयांत उशिरा येणाऱ्या कर्मचाऱ्यांवर कारवाई करण्यासोबतच जिल्हा परिषदेच्या कामकाजाच्या वेळेतही मुख्य कार्यकारी अधिकारी कैलास शिंदे यांनी बदल केला आहे. सकाळी पावणे दहा ते सायंकाळी पावणे सहा अशी वेळ केली आहे. 'सीईओ' शिंदेंच्या या मंत्रालय स्टाईल कामकाजाबद्दल कर्मचाऱ्यांत मात्र नाराजी दिसत आहे.
जिल्हा परिषदेत सर्व कर्मचाऱ्यांसाठी बायोमेट्रीक हजेरी आहे. परंतू अनेक कर्मचारी "थम्ब' करून गायब होता. त्यामुळे ग्रामीण भागातून कामनिमित्त आलेल्यांची गैरसोय होते. यासंदर्भात नागरीकांनी प्रशासन विभागाकडे तक्रारीही केल्या. या तक्रारींची दखल घेऊन सीईओ कैलास शिंदे यांनी सर्व विभागाकडील मस्टर मागून घेतले. त्यामुळे लेट येणाऱ्या कर्मचाऱ्यांची चांगलीच अडचण झाली आहे. या कर्मचाऱ्यांवर काय कारवाई होणार, याकडे सर्वांचे लक्ष लागले आहे.
याच दरम्यान, जिल्हा परिषदेच्या प्रशासकिय कामकाजाच्या वेळेत सामान्य प्रशासन विभागाने बदल केला आहे. यापूर्वी कामकाजाची वेळ दहा वाजून दहा मिनिटे ते पावणे सहा अशी होती. आता कार्यालयीन कामकाजाची वेळ बदलून सकाळी पावणे दहा ते सायंकाळी पावणे सहा करण्यात आली आहे. याबाबतची सर्व विभागाला लेखी कळविण्यात आले आहे. त्यामुळे कर्मचाऱ्यांत नाराजीचा सूर उमटू लागला आहे.
सीईओंच्या या नवीन वेळापत्रकामुळे कर्मचाऱ्यांना वेळेतच यावे लागणार आहे. मंत्रालयात कामकाजाची वेळ सकाळी पावणे दहा ते सायंकाळी साडे पाच अशी आहे. हीच नियमावली आता जिल्हा परिषदेत आली आहे. त्यामुळे यावेळेत न आल्यास संबंधित कर्मचाऱ्याला नोटीस पाठविली जात आहे. आता जिल्हा परिषदेतील कर्मचारी संघटना याबाबत कोणती भूमिका घेणार याकडे सर्वांचे लक्ष लागले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.