अकोला : ४ जागा जिंकून वंचितने बाजी मारली

अकोला : अकोला तालुक्यातील सात जिल्हा परिषदेच्या जागांसाठी अटीतटीच्या लढतीत वंचित बहुजन आघाडीने सात पैकी चार जागा जिंकल्या. त्यामुळे त्यांनी जिल्हा परिषद निवडणुकीत आघाडी घेतली आहे.

अकोला तालुक्यातील सात गटांचे निकाल असे, अंदुरा गट- मीना बावणे, शिर्ला गट- सुनील फाटकर, देगाव गट- राम गव्हाणकर आणि घुसर गट- शंकर इंगळे हे वंचित बहुजन आघाडीचे चार सदस्य विजयी झाले. या चारही ठिकाणी या उमेदवारांना सुरवातीपासून आघाडी होती. त्यांची लढत महाविकास आघाडीचे घटक असलेल्या पक्षांच्या उमेदवारांशी होती.

या तालुक्यात लाखपूरी गट - सम्राट डोंगरदेव (अपक्ष), अकोलखेड गट- जगन निचळ (शिवसेना) आणि दगडपारवा गट- सुमान गावंडे (राष्ट्रवादी काँग्रेस) हे तीघे विजयी झाले आहेत.