औरंगाबादेत कोरोनाचा एक बळी; ५८ वर्षीय रुग्णाचा मृत्यू

औरंगाबाद : औरंगाबादेत एका ५८ वर्षीय कोरोनाबाधित रुग्णाचा मृत्यू झाला आहे. शासकीय रुग्णालय, घाटीमध्ये आज हा रुग्ण मरण पावल्याचे सांगण्यात आले .औरंगाबाद शहरातील कोरोना रुग्णाची संख्या आठवर पोहोचली असतानाच आज यातील एका रुग्णाचा मृत्यू झाला.

५८ वर्षीय हा रुग्ण मुंबईत एका बँकेत व्यवस्थापक म्हणून काम करत असल्याची माहिती समोर आली आहे .दहा दिवसांपूर्वी ते शहरात आले होते, कोरोना अहवाल पॉझिटिव्ह आल्यानंतर३ एप्रिल पासून रुग्णालयात त्यांच्यावर उपचार सुरू होते. शहरातील सातारा देवळाई परिसरात राहणाऱ्या या रुग्णास मधुमेहासह  इतरही आजार असल्याचे समजते.आज दुपारी त्यांचा मृत्यू झाला. औरंगाबादेत कोरोनाचा पहिला बळी गेल्याने नागरिकांमध्ये घबराट पसरली आहे.