औरंगाबादमध्ये संजय राऊत यांच्या उपस्थितीत होणारा शिवसेनेचा मेळावा रद्द

औरंगाबादः राज्याच्या विविध भागात कोरोनाची लागण झालेले आणि संशयित रुग्ण आढळत असल्याने राजकीय पक्षांचे मेळावे, कार्यक्रम रद्द केले जात आहेत. मनसेच्या शिवजंयती मिरवणुकीला पोलिसांनी परवानगी नाकारल्यानंतर शिवसेनेलाही ती नाकारण्यात आली आहे. एवढेच नाही तर १५ मार्च रोजी शिवसेना नेते खासदार संजय राऊत यांच्या उपस्थितीत शहरात होणारा शिवसेनेचा पदाधिकारी, कार्यकर्ता मेळावाही रद्द करण्यात आला आहे. 

मनसेने तिथीनूसार शिवजंयती साजरी करण्याचा निर्णय घेतल्यानंतर राज ठाकरे व अमित ठाकरे शहरात दाखल झाले आहेत. शिवसेनेने देखील १२ मार्च रोजी शिवजंयती साजरी करत मिरवणूक काढण्याची तयारी सुरू केली होती. मात्र कोरोनाचा धोका पाहता पोलीसांनी मनसे आणि शिवसेना या दोन्ही पक्षांच्या मिरवणूकीला परवानगी नाकारली आहे.

तिथीनुसार शिवपूजन करण्यासाठी राज ठाकरे औरंगाबादमध्ये दाखल

शिवसेना नेते चंद्रकांत खैरे यांनी पत्रकार परिषदेत या संदर्भात माहिती दिली. खैरे म्हणाले, तिथीनूसार शिवजयंती साजरी करण्याची शिवसेनेने जय्यत तयारी सुरू केली होती. शहरातून भव्य मिरवणूक देखील काढण्यात येणार होती. पण राज्य सरकारने कोरोनाचा धोका लक्षात घेता मिरवणूकीची परवानगी नाकारली आहे. शिवसेनेने देखील पोलीस प्रशासनाला संपुर्ण सहकार्य करण्याची तयारी दाखवत मिरवणूक न काढण्याचा निर्णय घेतला आहे.

धुळे-नंदुरबार स्थानिक स्वराज्य संस्थेतून भाजपतर्फे अमरिश पटेलांना उमेदवारी

एवढेच नाही तर १५ मार्च रोजी शहारतील श्रीहरी पॅव्हेलियनमध्ये शिवसेना नेते संजय राऊत यांच्या उपस्थितीत आयोजित करण्यात आलेला पदाधिकारी, कार्यकर्ता मेळावा देखील रद्द करण्यात आला आहे.