Venkateshwara Temple Stampede : व्येंकटेश मंदिरात चेंगराचेंगरी, 9 भाविकांचा मृत्यू; मुख्यमंत्र्यांकडून मदतीचे आदेश

Andhra Pradesh News : आंध्र प्रदेशच्या श्रीकाकुलम जिल्ह्यातील काशीबुग्गा येथील श्री वेंकटेश्वर स्वामी मंदिरात आज (शनिवार) एकादशीच्या दिवशी भाविकांची चेंगराचेंगरी झाली. यामध्ये नऊ भाविकांचा मृत्यू झाल्याची भीती आहे. तर, अनेक भक्त गंभीर जखमी झाले आहेत.

मिळालेल्या माहितीनुसार, कार्तिक मासमुळे मंदिरात मोठ्या संख्येने भाविक आले होते.या गर्दीवर स्थानिक प्रशासन आणि मंदिर प्रशासनाला नियंत्रण ठेवता आले नाही. भाविकांमध्ये अचनाक धक्काबुक्की सुरू झाली आणि चेंगराचेंगरी झाल्याचा अंदाज आहे.

या चेंगराचेंगरीत नऊ भाविकांचा मृत्यू झाल्याची शक्यता वर्तवली जात आहे. जखमी मंदिराच्या जवळील रुग्णालयात दाखल करण्यात आले आहे.आंध्र प्रदेशचे मुख्यमंत्री चंद्रबाबू नायडू यांनी या घटनेनंतर ट्विट करत मृत्यू कुटंबीयांच्या परिवारासोबत सहवेदन व्यक्त केले आहे.

ते म्हणाले, या घटनंतर वेंकटेश्वर मंदिरात झालेल्या चेंगराचेंगरीची घटना ही दु:खद आहे. मृतांच्या कुटुंबीयांबद्दल मी माझ्या तीव्र संवेदना व्यक्त करतो. जखमींना सर्वोत्तम उपचार देण्याचे निर्देश मी अधिकाऱ्यांना दिले आहेत. मी स्थानिक अधिकाऱ्यांना आणि लोकप्रतिनिधींना घटनेच्या ठिकाणी भेट देण्यास आणि मदत कार्यांवर लक्ष ठेवण्यास सांगितले आहे.