पंजाबच्या मुख्यमंत्री उमेदवाराबाबत केजरीवाल करणार आज घोषणा

चंदिगढ: विधानसभा निवडणुकीच्या आधी पंजाबमध्ये राजकीय वातावरण तापलं आहे. एका बाजुला काँग्रेसमध्ये अंतर्गत धुसफूस सुरु आहे. तर दुसरीकडे अकाली दलाने भाजपशी काडीमोड केल्यानंतर बसपाशी हात मिळवला आहे.

''आम आदमी पक्षाचा मुख्यमंत्री पदाचा उमेदवार हा शीख समुदायातील असेल,'' अशी घोषणा केजरीवाल यांनी काही दिवसापूर्वी केली. ''अख्ख्या पंजाबला त्याच्यावर गर्व असेल,'' असंही केजरीवाल म्हणाले. या पार्श्वभूमीवर दिल्लीचे मुख्यमंत्री अरविंद केजरीवाल हे आज महत्वाची घोषणा करणार आहेत. ते दोन दिवसांच्या दैाऱ्यावर दौऱ्यावर पंजाबला पोहोचले आहेत.

अरविंद केजरीवाल (Arvind Kejriwal) आम आदमी पक्षाच्या पंजाबच्या  मुख्यमंत्र्यांच्या (Punjab CM candidate)चेहऱ्याबाबत आज मोठी घोषणा करू शकतात, अरविंद केजरीवाल म्हणाले की ''आपचा मुख्यमंत्री उमेदवार पंजाबचा अभिमान असेल.'' काल रात्री केजरीवाल यांनी आपल्या पक्षाच्या वरिष्ठ नेत्यांची भेट घेतली. व्यापाऱ्यासाठी पाच महत्वपूर्ण घोषणा ते करणार असल्याचे समजते