मोठी बातमी : बॅँक परीक्षा आता मराठीसह १३ प्रादेशिक भाषांमध्ये होणार
पुणे : स्थानिक तरुणांना रोजगाराच्या संधी उपलब्ध करून देण्यासाठी आणि स्थानिक, प्रादेशिक भाषांद्वारे ग्राहकांशी अधिकाधिक संवाद प्रस्थापित व्हावे, या उद्देशाने केंद्र सरकारच्या अर्थमंत्रालयाने महत्वाचा निर्णय घेतला आहे. ग्राहक आणि बँक यांच्यातील संवादातील अंतर कमी होण्याची शक्यता कमी होईल.
केंद्रीय अर्थ मंत्रालयाची मोठी शिफारस, सार्वजनिक क्षेत्रातील सर्व 12 बँकांमध्ये ही भरती आता 13 भाषांमध्ये केली जाईल. केंद्र सरकारच्या अर्थ मंत्रालयाने शिफारस केली आहे की 12 सार्वजनिक क्षेत्रातील बँकांसाठी लिपिक भरती (Bank Recruitment Examination) आणि जाहिरात केलेल्या रिक्त पदांच्या संदर्भात प्राथमिक आणि मुख्य दोन्ही परीक्षा हिंदी आणि इंग्रजीसह १३ प्रादेशिक भाषांमध्ये घेण्यात याव्यात. यासाठी सार्वजनिक क्षेत्रातील बँकांमध्ये प्रादेशिक भाषांमध्ये लिपिक संवर्गांसाठी परीक्षा आयोजित करण्यासाठी केंद्र सरकारच्या अर्थ मंत्रालयाने स्थापन केलेल्या समितीने शिफारस केली आहे .
बॅँकेतील लिपिक पदासाठी भरतीच्या परीक्षा आता मराठीसह १३ प्रादेशिक भाषांमधून देता येणार आहेत. त्याचबरोबर आता बॅँकींग भरतीच्या परीक्षांची जाहिरातही प्रादेशिक भाषांतून देण्याच्या सूचना केंद्रीय अर्थ मंत्रालयाने दिल्या आहेत. इंग्रजी आणि हिंदी व्यतिरिक्त, उमेदवार त्यांच्या मातृभाषेत परीक्षा देऊ शकतील.
पूर्व आणि मुख्य दोन्ही परीक्षा आता संबंधित प्रादेशिक भाषांमध्ये घेण्यात येतील. प्रादेशिक भाषांमध्ये सार्वजनिक क्षेत्रातील बँकांमध्ये लिपिक संवर्गांसाठी परीक्षा आयोजित करण्याबाबत समितीची स्थापना करण्यात आली होती. अर्थ मंत्रालयाच्या म्हणण्यानुसार, समितीच्या शिफारशी उपलब्ध होईपर्यंत सुरू केलेली परीक्षेची प्रक्रिया रोखून ठेवण्यात आली होती.
या आहेत १२ बँका
भारतीय स्टेट बँक, पंजाब नँशनल बँक, बँक ऑफ बड़ौदा, पंजाब नँशनल बैंक, बैंक ऑफ इंडिया, बैंक ऑफ महाराष्ट्र, कँनरा बैंक
सेंट्रल बैंक ऑफ इंडिया, इंडियन बैंक, इंडियन ओवरसीज बैंक, पंजाब एंड सिंध बैंक, यूको बैंक
मराठी, गुजराती, तमिळ, तेलुगु अशा १३ प्रादेशिक भाषांमध्ये ही बँकांची परीक्षा होणार आहे.
Edited by : Mangesh Mahale
आधीच जाहिरात केलेल्या रिक्त पदांसाठी आणि ज्यासाठी प्राथमिक परीक्षा घेण्यात आल्या होत्या त्या एसबीआयची सध्या सुरू असलेली भरती प्रक्रिया जाहिरातीनुसार पूर्ण केली जाईल. प्रादेशिक भाषांमध्ये परीक्षा घेण्याचा निर्णय स्टेट बँक ऑफ इंडियामध्ये (State Bank of India) भविष्यातील रिक्त पदांवर देखील लागू होईल.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.