Bhupendra Patel Oath Ceremony : भुपेंद्र पटेल यांनी घेतली मुख्यमंत्री पदाची शपथ...

Bhupendra Patel Oath Ceremony : गुजरात विधानसभा निवडणुकीत भाजपने ऐतिहासिक विजयानंतर आज (12 डिसेंबर) भूपेंद्र पटेल यांनी मुख्यमंत्रीपदाची शपथ घेतली. भाजपने गुजरातमध्ये 182 पैकी 156 जागा जिंकल्या. निवडणुकीपूर्वीच भाजपने मुख्यमंत्री चेहरा म्हणून त्यांच्या नावाची घोषणा केली होती.

संरक्षण मंत्री राजनाथ सिंह, यूपीचे मुख्यमंत्री योगी आदित्यनाथ, खासदार सीएम शिवराज सिंह चौहान, केंद्रीय मंत्री स्मृती इराणी, आसामचे मुख्यमंत्री हेमंत बिस्वा सरमा मंचावर पोहोचले आहेत. काही वेळात पंतप्रधान नरेंद्र मोदीही यावेळी उपस्थित होते.

घाटलोडिया विधानसभा मतदारसंघातून गुजरातचे मुख्यमंत्री भूपेंद्र पटेल सलग दुसऱ्यांदा विजयी झाले आहेत. निवडणूक आयोगाच्या ताज्या आकडेवारीनुसार, पटेल यांना 23,713 मते मिळाली, तर त्यांच्या प्रतिस्पर्धी कॉंग्रेसच्या उमेदवार अमीबेन याज्ञिक यांना 3,840 मते मिळाली. या जागेवर आम आदमी पक्षाचे उमेदवार विजय पटेल सध्या 2,168 मतांसह तिसऱ्या क्रमांकावर आहेत.

गांधीनगर लोकसभा मतदारसंघाचा भाग असलेल्या पाटीदार-बहुल घाटलोडिया मतदारसंघाने गुजरातला भूपेंद्र पटेल आणि आनंदीबेन पटेल असे दोन मुख्यमंत्री दिले आहेत. हा भाजपचा बालेकिल्ला आहे. 2017 मध्ये पाटीदार आरक्षण आंदोलनानंतरही भूपेंद्र पटेल यांनी 1.17 लाख मतांनी ही जागा जिंकली होती. या निवडणुकांनंतर राज्याची कमान पटेल यांच्याकडेच राहणार असल्याचे भाजपने आधीच जाहीर केले आहे. अहमदाबाद जिल्ह्यातील घाटलोडिया विधानसभा जागा ही राज्यातील सर्वात लोकप्रिय जागा आहे. येथून जो निवडणूक जिंकतो तो थेट मुख्यमंत्री होतो. 2008 च्या मतदार संघांमध्ये फेरबदल झाल्यानंतर ही जागा अस्तित्वात आली आणि 2012 मध्ये येथे प्रथमच निवडणूक झाली.

2017 च्या गुजरात विधानसभा निवडणुकीत मुख्यमंत्री भूपेंद्र पटेल येथून विजयी झाले होते आणि यावेळी पुन्हा ते याच जागेवरून निवडणूक लढवली होती. तर काँग्रेसने येथून अमीबेन याज्ञिक यांना तिकीट दिले होते. तर आम आदमी पक्षाने विजय पटेल यांना उमेदवारी दिली होती. घाटलोडिया हा पाटीदार बहुल परिसर आहे. यासोबतच रबारी समाजाचेही येथे वर्चस्व आहे.