CJP Delhi Protest: आता अजिंक्य शिंदे करणार CJPच्या आंदोलनाचं नेतृत्व! अभिजीत दिपकेंची मोठी घोषणा

CJP Delhi Protest: नवी दिल्लीत आज कॉक्रोच जनता पार्टीनं मुख्य निवडणूक आयुक्तांच्या राजीनाम्यासाठी आंदोलनाची घोषणा केली आहे, पण सरकरनं अभिजीत दिपके, आशुतोष रांका आणि सौरव दास यांना ताब्यात घेतलं आहे. तरीही आंदोलन करण्यावर सीजेपी ठाम आहे. याच पार्श्वभूमीवर अभिजीत दिपके यांनी एक व्हिडिओ शेअर केला असून आजचं आंदोलन थांबणार नाही, या आंदोलनाचं नेतृत्व सीजेपी सदस्य अजिंक्य शिंदे करेल अशी घोषणा त्यांनी केली आहे.

कोण आहे अजिंक्य शिंदे?

कॉक्रोच जनता पार्टीच्या ट्विटर हँडलवर अभिजीत दिपके यांचा लेटेस्ट व्हिडिओ शेअर करण्यात आला आहे. यामध्ये दिपके सांगतात की, तुम्ही जर हा व्हिडिओ बघत असाल तर अभिजीत दिपके, आशुतोष रांका आणि सौरव दास यांना अटक करण्यात आली आहे. त्यामुळं आमच्यानंतर या मोहिमेचं नेतृत्व अजिंक्य करेल, त्यामुळं जे कोणी हा व्हिडिओ पाहत असतील त्यांनी कृपया अजिंक्य शिंदेला फॉलो करावं.

दरम्यान, अभिजीत दिपके यांनी हा व्हिडिओ काल रात्रीत चित्रीत करुन ठेवला असल्याचीही माहिती समोर येत आहे. उद्या आपल्याला पोलीस अटक करतीलच हे आधीच माहिती असल्यानं तसंच इंटरनेट सेवा बंद राहणार असल्यानं नवा व्हिडिओ शेअर करता येणं शक्य नसेल याचा अंदाज असल्यानं दिपकेंनी हा व्हिडिओ आधीच शूट केला असल्याचं काही माध्यमांनी आपल्या वृत्तामध्ये सांगितलं आहे.