Congress News : बेहिशेबी मालमत्ताप्रकरणी काँग्रेस नेत्याला उच्च न्यायालयाकडून मोठा दिलासा

बंगळूर : उच्च न्यायालयाने (High Court) शुक्रवारी (ता. १० फेब्रुवारी) काँग्रेसचे (Congress) कर्नाटक (Karnataka) प्रदेशाध्यक्ष डी. के. शिवकुमार (D. K. Shivakumar) यांना बेहिशेबी मालमत्ताप्रकरणी मोठा दिलासा दिला आहे. त्यामुळे शिवकुमार यांना आगामी विधानसभा निवडणुकीच्या कामावर लक्ष केंद्रीत करता येणार आहे. (Congress leader D. K. Shivkumar Relief from High Court in case of unaccounted assets)

डी. के. शिवकुमार यांची बेहिशेबी मालमत्ताप्रकरणी केंद्रीय अन्वषेण विभागाकडून चौकशी करण्यात येत आहे. मात्र, कर्नाटक उच्च न्यायालयाने शिवकुमार यांना २४ फेब्रुवारीपर्यंत दिलासा दिलेला आहे. त्यामुळे काँग्रेस नेते शिवकुमार यांची चौकशीच्या फेऱ्यातून काही दिवसांपुरती तरी सुटका झाली आहे.

कर्नाटक उच्च न्यायालयाने सीबीआयच्या तपासावर ता. २४ फेब्रुवारीपर्यंत अंतरिम स्थगिती जाहीर केली आहे. डी. के. शिवकुमार यांच्या बेहिशेबी मालमत्ता चौकशीच्या तपासाचा प्रगती अहवाल ता. २४ फेब्रुवारीपर्यंत सादर करा, तोपर्यंत सीबीआयने तपास सुरू ठेवू नये, असे निर्देश उच्च न्यायालयाने तपास अधिकाऱ्यांना दिले आहेत. त्यामुळे डी. के. शिवकुमार यांना काही दिवसांची उसंत मिळाली आहे.

कर्नाटक उच्च न्यायालयाने सीबीआयच्या तपासावर ता. २४ फेब्रुवारीपर्यंत अंतरिम स्थगिती जाहीर केली आहे. डी. के. शिवकुमार यांच्या बेहिशेबी मालमत्ता चौकशीच्या तपासाचा प्रगती अहवाल ता. २४ फेब्रुवारीपर्यंत सादर करा, तोपर्यंत सीबीआयने तपास सुरू ठेवू नये, असे निर्देश उच्च न्यायालयाने तपास अधिकाऱ्यांना दिले आहेत. त्यामुळे डी. के. शिवकुमार यांना काही दिवसांची उसंत मिळाली आहे.