Interim Bail To Vijay Darda: कोळसा खाण प्रकरणात विजय दर्डा यांच्यासह इतर दोघांना तात्पुरता जामीन मंजूर

Coal Scam Case: छत्तीसगड कोळसा खाण भ्रष्टाचार प्रकरणी कॉंग्रेसचे माजी खासदार विजय दर्डा आणि त्यांचा मुलगा देवेंद्र दर्डा यांना दिल्लीच्या विशेष सीबीआय न्यायालयाने चार वर्षांची शिक्षा बुधवारी (ता.२६)ठोठावली होती. त्यांना दिल्ली उच्च न्यायालयाने जामीन आज (ता.२८) मंजूर केला.

विजय दर्डा आणि त्यांचा मुलगा देवेंद्र दर्डा यांना चार वर्षांचा तुरुंगवास ठोठावण्यात आला आहे. १३ जुलैला दिल्लीतल्या विशेष न्यायालयाने या प्रकरणात त्यांना दोषी ठरवलं होतं. दिल्ली विशेष न्यायालयाने हा निर्णय दिला आहे.

सीबीआयने न्यायालयाने सांगितलं होतं की, जेएलडी यवतमाळ एनर्जी लिमिटेडला छत्तीसगडमधील पूर्व फतेहपूर कोळसा खाणी मिळाल्या होत्या. हा एका षडयंत्राचा भाग होता. यात पात्रतेच्या निकषांचा चुकीचा अर्थ काढण्यात आला. तसेच अर्जांमध्ये चुकीचे दावे करण्यात आले.

काय आहे प्रकरण..

विजय दर्डा, त्यांचा मुलगा देवेंद्र दर्डा, कोळसा विभागाचे माजी सचिव एच. सी. गुप्ता, के. एस. क्रोफा आणि के. सी. सामरिया, जेएलडी यवतमाळ एनर्जी प्रायव्हेट लिमिटेड आणि त्यांचे संचालक मनोज कुमार जयस्वाल इत्यादींचा दोषींमध्ये समावेश आहे.

या प्रकरणात एच. सी. गुप्ता आणि इतर दोन अधिकारी के. एस. क्रोफा आणि के. सी. सामरिया या तिघांना प्रत्येकी तीन वर्षे शिक्षा सुनावण्यात आली आहे. JLD यवतमाळला कोर्टाने ५० लाखांचा दंडही ठोठावला आहे.