दिल्लीत फेब्रुवारी महिन्यात विधानसभा निवडणुका होणार आहेत. यापूर्वी निवडणूक आयोगाने अंतिम मतदार यादी जाहीर केली आहे. निवडणूक आयोगाच्या म्हणण्यानुसार, यावेळी 1 कोटी 55 लाख 24 हजार 858 मतदार दिल्लीचे सरकार ठरवणार आहे. यामध्ये पुरुष मतदारांची संख्या 83,49,645 आहे. तर महिला मतदारांची संख्या 71,73,952 आहे. तर तृतीय पंथीयांची संख्या 1,261 आहे.
मतदार यादीतून (Voter) मतदारांची नावे वगळल्याचा आरोप होत असतानाच निवडणूक आयोगाने दिल्लीतील मतदारांची अंतिम यादी जाहीर केली आहे. काही दिवसांपूर्वी माजी मुख्यमंत्री अरविंद केजरीवाल यांनी पत्रकार परिषदेत भाजपवर मतदार यादीतून मतदारांची नावे वगळण्यासाठी अर्ज दाखल केल्याचा आरोप केला होता.
20 ऑगस्ट 2024 पासून दिल्लीत मतदार यादीत लोकांची नावे समाविष्ट करण्यासाठी मोहीम सुरू करण्यात आली होती. ही मोहीम 18 ऑक्टोबरपर्यंत चालवण्यात आली. यावेळी मतदार यादीत नाव समाविष्ट करण्यासाठी 4.85 लाखांहून अधिक तरुणांनी मतदार होण्यासाठी अर्ज सादर केले आहेत.
तसेच अनेक मतदार आहेत ज्यांची नावे मतदार यादीतून वगळण्यात आली आहेत. याशिवाय काही ठिकाणी मतदाराचा मृत्यू झाल्यामुळेही त्याचे नाव मतदार यादीतून वगळण्यात आले. काही ठिकाणी बनावट मतदारांचा यादीत समावेश झाल्याच्या तक्रारीही प्राप्त झाल्या होत्या. त्यांची नावेही यादीतून काढून टाकण्यात आली आहेत. अशा लोकांवर गुन्हाही दाखल करण्यात आला आहे.
2020 च्या विधानसभा निवडणुकीच्या तुलनेत दिल्लीत मतदारांची संख्या 7.26 लाख आणि 2024 लोकसभा निवडणुकीच्या तुलनेत 3.10 लाखांनी वाढली आहे. 2020 च्या निवडणुकीच्या वेळी दिल्लीत 1.47 कोटी मतदार होते, तर गेल्या वर्षीच्या लोकसभा निवडणुकीच्या वेळी दिल्लीतील मतदारांची संख्या 1.52 कोटींहून अधिक होती.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.