Income Tax Bill : लोकसभेत नवीन इन्कम टॅक्स बिल सादर होणार ? हे बदल होणार

संसदेत सुरू असलेल्या अर्थसंकल्पीय अधिवेशनाच्या आठव्या दिवशी, अर्थमंत्री निर्मला सीतारमण अर्थसंकल्पावरील चर्चेला आज संध्याकाळी 5 वाजता लोकसभेत उत्तर देतील. आज नवीन इन्कम टॅक्स बिल संसदेत सादर केले जाऊ शकते.

1 फेब्रुवारी रोजी सादर केलेल्या 2025 च्या अर्थसंकल्पात अर्थमंत्री निर्मला सीतारमण यांनी नवीन इन्कम टॅक्स बिल सादर करण्याचा ओझरता उल्लेख केला होता. त्यानंतर 7 फेब्रुवारी रोजी अर्थमंत्र्यांनी घोषणा केली होती की नवीन विधेयक चालू अधिवेशनातच संसदेत मांडले जाईल. या विधेयकाला केंद्रीय मंत्रिमंडळाने आधीच मान्यता दिली आहे.

संसदेत चालू असलेल्या अर्थसंकल्पीय अधिवेशनाचा पहिला टप्पा 13 फेब्रुवारी रोजी संपणार आहे. त्यामुळे आज नवीन विधेयक संसदेत मांडले जावू शकते. जुना प्राप्तिकर विधेयक 1 एप्रिल 1962 पासून लागू झाला होता. कर विधेयकाच्या पुनरावलोकनाचा उद्देश प्राप्तिकराशी संबंधित कायदे सोपे करणे आहे. जेणेकरून ते सामान्य करदात्यांना अधिक संक्षिप्त आणि समजण्यास सोपे होईल.

नवीन कायद्यात कोणते बदल होण्याची शक्यता आहे?

• डीटीसीचा मुख्य उद्देश कर तरतुदी सुलभ करणे,

• अनावश्यक कलमे काढून टाकणे

• कायदा सोप्या भाषेत लिहिला पाहिजे, जेणेकरून सामान्य लोकांना तो सहज समजेल.

या बदलांमुळे टॅक्स कायदे समजून घेणे सोपे होईल, कायदेशीर वाद कमी होतील आणि संपूर्ण प्रणाली करदात्यांसाठी पूर्वीपेक्षा अधिक सोयीस्कर होईल, असा कर तज्ञांचा विश्वास आहे.

नवीन कर विधेयकात कोणावरही नवीन कराचा बोजा लादला जाणार नाही, असे सरकारने आधीच स्पष्ट केले आहे. २०२५ च्या अर्थसंकल्पात कर स्लॅबमध्ये केलेले बदल यामध्ये समाविष्ट केले जातील. नवीन विधेयकात अनावश्यक शब्द काढून टाकले जातील.