गडकरींना चहासाठी ताटकळत बसावं लागलं अन् खासदार जाधवांनी विमानतळ प्राधिकरणाला सुनावल...

बंगळुरू : भाजप (BJP) नेते आणि केंद्रीय मंत्री नितीन गडकरी (Nitin Gadkari) यांना एक कप चहासाठी (Tea) 15 मिनिटे ताटकळत बसावे लागले आहे. महाराष्ट्रातील अक्कलकोट येथून हेलिकॉप्टरने भगवान दत्तात्रेयांच्या दर्शनासाठी गडकरी हे देवल-गाणगापूर इथं गेले होते. दर्शनानंतर ते विशेष विमानाने दिल्लीला जाण्यासाठी कलबुर्गी विमानतळावर आले. तेव्हा 15 मिनिटात त्यांनी दोनदा चहा मागीतला मात्र, तरी देखील त्यांना चहा लवकर मिळाला नाही. यामागचे कारण आता समोर आले आहे.

विमानतळावर गडकरी बसलेले असतांना त्यांनी 15 मिनिटात दोनदा चहा मागितला. मात्र, तरीही त्यांनी चहा काही लवकर मिळाला नाही. मात्र, त्यांना चहा मिळण्यास का उशीर झाला याचे कारण समोर आले आहे. मागितलेल्या चहाला कर्नाटकच्या सुरक्षा अधिकाऱ्यांकडून सिक्युरिटी क्लिअरन्स देण्यात आला नसल्यामुळे गडकरींना चहा मिळाण्यास उशीर झाल्याचे कारणा सांगण्यात आले आहे. दरम्यान, गडकरींच्या स्वागतासाठी आलेले भाजपचे आमदार बी. जी. पाटील यांनी विमानतळ प्राधिकरणाच्या अधिकाऱ्यांना चहा घेऊन येण्याचे निर्देश दिले होते. त्यानुसार विमानतळ संचालक ज्ञानेश्वरराव यांनी नंतर सांगितलं की, विमानतळाच्या कॅन्टीनमधून चहाची व्यवस्थाही करण्यात आली होती, मात्र, तेव्हा कर्नाटक राज्य औद्योगिक सुरक्षा दलाच्या अधिकाऱ्यांनी सिक्युरिटी क्लिअरन्स दिला नाही. त्यामुळे विमानतळ कर्मचाऱ्यांनी बाहेरून चहा आणून द्यावा लागला. त्यामुळे त्यांना चहा मिळण्यास उशीर झाला आहे.

त्यानंतर घटनास्थळी आलेले कलबुर्गीचे खासदार उमेश जाधव यांनी ही चूक पुन्हा करू नये, असे विमानतळ प्राधिकरणाला सुनावल आहे. मात्र, केंद्रीय मंत्री गडकरी यांना चहा मिळण्यास लागलेल्या उशीराची चांगलीच चर्चा रंगली होती.