Breaking : सीडीएस बिपीन रावत यांच्या हेलिकॉप्टरला भीषण अपघात

नवी दिल्ली : चीफ ऑफ डिफेन्स स्टाफ (CDS) जनरल बिपीन रावत (Bipin Rawat) प्रवास करत असलेल्या लष्करी हेलिकॉप्टरला तमिळनाडतील कुन्नूर येथे अपघात झाल्याचे वृत्त आहे. या हेलिकॉप्टरमध्ये रावत यांच्यासोबत अन्य 14 जण असल्याचे समजते. प्राथमिक माहितीनुसार, दोन जणांचा मृत्यू झाला असून तिघांना वाचवण्यात यश आलं आहे. रावत यांच्याबाबत अद्याप माहिती मिळालेली नाही.

या हेलिकॉप्टरमध्ये रावत यांच्या पत्नी मधुलिका व काही कुटुंबीय, अधिकारी प्रवास करत होते, अशी माहिती आहे. हेलिकॉप्टर कोसळल्यानंतर लगेच पेट घेतला. तातडीने बचावकार्य सुरू करण्यात आलं आहे.

रावत यांच्याविषयीही अद्याप माहिती मिळू शकलेली नाही. अपघातानंतर हेलिकॉप्टर जळून खाक झाले आहे. जवळच्या नागरिकांना तातडीने बचाव कार्य सुरू केले. त्यांनीच दोघांचे मृतदेह बाहेर काढल्याचे समतजे. लष्कराचे अधिकारी तिथे दाखल झाले असून बचावकार्याला वेग आला आहे.