काँग्रेस, एमआयएम, टीआरएस नेत्यांच्या मुलांवर सामूहिक बलात्काराची तक्रार

नवी दिल्ली : तेलंगणाची (Telangana) राजधानी हैदराबादमध्ये (Hyderabad) मर्सिडीज कारमध्ये अल्पवयीन मुलीवर सामूहिक बलात्कार झाल्याची घटना समोर आली आहे. आरोपींमध्ये हायप्रोफाईल नावांचा समावेश असल्याचं समोर येत आहे.(Hyderabad Gang Rape Case)

या प्रकरणात तीन ते चार आरोपींचा समावेश असल्याचं प्राथमिक तपासात उघडकीस आलं आहे. आरोपींमध्ये एका अल्पवयीन मुलाचाही समावेश आहे.अन्य आरोपींमध्ये आमदाराच्या मुलाचाही समावेश आहे.

पार्टी आटोपून घरी परतत असलेल्या एका 17 वर्षीय मुलीवर मर्सिडीज कारमध्ये चार जणांनी सामूहिक बलात्कार (Rape) केला ती कार हैदराबाद पोलिसांनी (Hyderabad Police) जप्त केली आहे.

पीडित मुलीच्या वडीलांच्या पिर्यादीवरून पोलिसांनी तक्रार दाखल केली आहे. सध्या पोलिसांकडून या प्रकरणाचा तपास सुरु आहे. पोलिसांकडून या प्रकरणात अद्याप कोणालाही अटक करण्यात आलेली नाही.

या गुन्ह्यातील सर्व आरोपी अल्पवयीन असल्याचे पोलिसांनी सांगितले. हैदराबादच्या जुबली हिल्स (Jubilee Hills) परिसरात 28 मे रोजी हा गुन्हा घडला होता. पीडितेच्या कुटुंबीयांनी तीन दिवसांपूर्वी केलेल्या तक्रारीनंतर सुरुवातीला महिलांच्या विनयभंगाचा गुन्हा दाखल करण्यात आला होता. मात्र, मुलीच्या मानेवर जखमेच्या खुणा पाहून कुटुंबीयांना संशय आला.

अल्पवयीन सामूहिक बलात्कार प्रकरणातील आरोपींमध्ये तीन राजकारण्यांच्या मुलांचा समावेश आहे. त्यापैकी एक एआयएमआयएम (AIMIM) नेत्याचा मुलगा आहे, दुसरा टीआरएस (TRS) नेत्याचा मुलगा आहे आणि तिसरा काँग्रेस (Congress) नेत्याचा मुलगा आहे, अशी माहिती पोलिसांनी दिली. सध्या पीडितेने फक्त एका आरोपीची ओळख पटवून त्याचं नाव सांगितलं आहे.