Ayodhya Ram Mandir Inauguration : प्राणप्रतिष्ठापनेनंतर नरेंद्र मोदींनी मागितली प्रभू श्रीरामांची माफी, म्हणाले...

Ayodhya Ram Mandir : अयोध्येतील प्राणप्रतिष्ठापना सोहळ्यानंतर पंतप्रधान नरेंद्र मोदी भावूक झाले. हमारे राम आ गये है. आता आमचे प्रभू राम तंबूत राहणार नाहीत. रामलल्ला मंदिरात राहणार. आजची वेळ ही प्रभू रामांची आपल्यावर आशीर्वादाची आहे. 22 जानेवारी 2024 ही फक्त तारीख नाही हे नवीन कालचक्र आहे. गुलामगिरीतून हे राष्ट्र उभे राहिले आहे. हजारो वर्षांनंतर लोक आजच्या दिवसाची चर्चा करतील. आपण सगळे खूप नशिबवान आहोत, हा क्षण आपण पाहत आहोत, जगत आहोत, असे म्हणत पंतप्रधान नरेंद्र मोदींनी प्रभू रामाची माफी मागितली.

'मी आज प्रभू श्रीरामाची माफी मागतो. आमच्या तपस्येत कमतरता राहिली असावी. कारण आपण इतक्या वर्षांपर्यंत हे काम करू शकलो नाही. आज ती कमतरता भरून निघाली. मला खात्री आहे, की प्रभू राम नक्कीच क्षमा करतील,' असे नरेंद्र मोदी म्हणाले.

आजच दिवस विजयाचा नाही. तर विनयाचादेखील आहे. जे राष्ट्र इतिहासाला विसरते ते राष्ट्र संकटात सापडते. काही लोक म्हणते होते की राम मंदिरानंतर आग लागले. मात्र, राम मंदिर आग नाही ऊर्जा निर्माण करत आहे. त्या लोकांना मी आवाहन करतो, की त्यांनी येथे यावे त्यांनी अनुभती घ्यावी राम समाधान आहे, सत्य आहे. राम आनंद आहे, असेदेखील पंतप्रधान मोदी म्हणाले.

सरसंघचालक मोहन भागवत म्हणाले, आज अयोध्येमध्ये रामलल्लासोबत भारताचा 'स्व'परत आला आहे. संपूर्ण जागाला त्रासातून मुक्त करणारा भारत उभा राहिला आहे, हेच या कार्यक्रमातून दिसून येत आहे. आज 500 वर्षांनंतर रामलल्ला परत आले आहेत. रामराज्य आले आहे. सर्व घटकामध्ये राम आहे. आपण सर्वांना समन्वयाने चालावे लागणार आहे. समन्वय ठेऊन आचरण करणे हेच धर्म सांगतो. जिथे दुःख दिसते तेथे सेवा करू. मंदिर पूर्ण होता होता विश्वगुरु भारत बनेल, असा विश्वासदेखील मोहन भागवत यांनी व्यक्त केला.

योगी आदित्यनाथ म्हणाले, आपल्याकडे भावना व्यक्त करण्यासाठी शब्द नाहीत. आज भारताचे प्रत्येक शहर, गाव अयोध्याधाम झाले आहे. प्रत्येक मनात राम आहे. प्रत्येक जण राम राम म्हणत आहेत. राम मंदिरासाठी अनेक पिढ्यांनी संघर्ष केला. जगात अयोध्या असे स्थान आहे जेथे बहुसंख्याक समाजाला आपल्या देवासाठी लढाई लढावी लागली. रामासाठी प्रत्येक वर्गातील नागरिकांने स्वतःला समर्पित केले. मंदिर तेथेच होत आहे जेथे संकल्प केला होता. प्राणप्रतिष्ठेनंतर हा रामराज्याची सुरुवात आहे, असेदेखील योगी आदित्यनाथ म्हणाले.