पाकिस्तानकडून शस्त्रसंधीचे उल्लंघन

जम्मू  : पाकिस्तान सैन्याने लागोपाठ तिसऱ्या दिवशी भारतीय सीमावर्ती भागांना लक्ष्य करीत गोळीबार करून शस्त्रसंधीचे उल्लंघन केले आहे. पाकिस्तानी सैन्याने शनिवारी जम्मू-काश्मीरच्या कठुआ जिल्ह्यातील सीमेजवळच्या लष्कराच्या चौक्या आणि गावांवर निशाणा साधत गोळीबार केल्याची माहिती लष्करी अधिकाऱ्यांनी दिली.

पाकिस्तानच्या गोळीबाराला सीमा सुरक्षा दलाच्या (बीएसएफ) जवानांनी या हल्ल्याला योग्य प्रत्युत्तर दिले. कठुआ जिल्ह्यातील हिरानगर सेक्टरमधील चकरा गावात सकाळी जवळपास ४.०० वाजता ही चकमक घडली. जवळपास अडीच तास ही चकमक सुरू होती. या वेळी पाकिस्तानकडून मोर्टार हल्लादेखील केला गेला. या चकमकीत कुठलेही नुकसान झाले नसल्याचे लष्करी अधिकाऱ्यांनी सांगितले.