संसदेत झालेल्या घुसखोरी प्रकरणात म्हैसूरचे भाजपचे खासदार प्रताप सिम्हा यांचे नाव घेतले जात आहे. संसद भवनात घुसलेल्या दोन तरुणांना सिम्हा यांनी पास दिले होते, त्यामुळे त्यांच्यावर सध्या टिका होत आहे.
लखनौचा सागर शर्मा आणि म्हैसूरचा डी. मनोरंजन या दोघांना प्रताप सिम्हा यांच्या कार्यालयाकडून व्हिजिटर पास मिळाला होता. या पासच्या आधारे हे दोघे संसद भवनात आले होते. त्यांनी प्रेक्षक गॅलरीतून सभागृहात उडी घेतली होती. या प्रकारानंतर लोकसभेचे अध्यक्ष ओम बिर्ला यांनी प्रताप सिम्हा यांच्याकडे
स्पष्टीकरण मागितले होते. दोन आरोपींपैकी एकाच्या वडिलांनी माझ्याकडे व्हिजिटर पास मागितले होते.
“आरोपीच्या वडिलांनी माझ्याकडे लोकसभा व्हिजिटर पासची मागणी केली होती. कारण संसदेच्या नवीन इमारतीला भेट देण्याची त्यांच्या मुलाची इच्छा होती.” आरोपी सागर शर्मा हा प्रताप सिंह यांचे स्वीय सहाय्यक आणि कार्यालयाशी सतत संपर्क करून पासेसची मागणी करीत होता. माझ्याकडे या दोन आरोपींबाबत एवढीच माहिती आहे," असे स्पष्टीकरण त्यांनी ओम बिर्ला यांच्याकडे दिले आहे.
जेव्हा एखाद्याला खासदार पास देतात, तेव्हा त्याला त्या व्यक्तीला वैयक्तिकरित्या ओळखत असल्याचे प्रतिज्ञापत्र द्यावे लागते. आरोपींकडून जप्त करण्यात आलेल्या व्हिजिटर पासमध्ये प्रताप सिंह यांचे नाव समोर आल्यापासून त्यांच्यावर टीकेची झोड उठली आहे.
या दोन्ही आरोपींशी असलेल्या संबंधांबाबत त्यांनी कोणतेही वक्तव्य केले नसले, तरी त्यातील एका आरोपीचे वडील आपल्या मतदारसंघातील असल्याचे त्यांनी विधानसभा अध्यक्षांना सांगितले आणि व्हिजिटर पासची मागणी केली.
प्रताप सिंह यांनी सभापतींना सांगितले की, घुसखोरांबाबत आपल्याला कोणतीही अतिरिक्त माहिती नाही. त्यापैकी मनोरंजन डी हा सिम्हा च्या पीएशी सतत संपर्कात होता आणि त्याला आणि त्याचा मित्र सागरला व्हिजिटर पास मिळवून देत होता.
संसदेच्या हिवाळी अधिवेशनादरम्यान काल (बुधवारी) दोन तरुणांनी लोकसभा सभागृहात केलेली घुसखोरी आणि सुरक्षा व्यवस्थेत झालेली गंभीर चूक (Lok Sabha Security Breach) केंद्र सरकारने गांभीर्याने घेतली आहे. या प्रकरणात झालेल्या कारवाईत संसदेच्या सात कर्मचाऱ्यांना निलंबीत करण्यात आले आहे. संसदेच्या लोकसभा प्रेक्षागृहात आलेल्या दोन तरुणांनी अचानक सभागृहात उडी घेतली. सागर शर्मा आणि मनोरंजन डी अशी या तरुणांची नावे असल्याचे पुढे आले आहे. ही घटना बुधवारी घडली. या दोघांनी संसदेत प्रवेश केला आणि धुराचे नळकांडे फोडले. तर यांच्या दोन साथीदारांनी संसदेबाहेर जोरदार घोषणाबाजी करत धुराची नळकांडी फोडली. ये सर्वजण भारत माता की जय, तानाशाही नही चलेगी, अशा घोषणा देत होते. या सर्वांना पोलिसांनी ताब्यात घेतले आहे.
हे चारही आरोपी दोन ते अडीच वर्षांपासून एकमेकांच्या संपर्कात आहेत. हे सर्व आरोपी बेरोजगारी, महागाई याकडे लक्ष वेधण्यासाठी काहीतरी मोठ्या प्रमाणावर करायचे याचा विचार करत होते. त्यातून त्याच्या अनेक बैठका पार पडल्या होत्या. त्यांनी त्यासाठी निश्चित कटही आखला होता. त्यातूनच त्यांनी हे कृत्य केल्याची प्राथमिक माहिती आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.