PM Kisan 19th Installment Date : भारत सरकार शेतकऱ्यांसाठी अनेक योजना राबवत असून राज्य सरकारही शेतकऱ्यांना फायदा देणाऱ्या योजना चालवत आहे. केंद्र सरकार शेतकऱ्यांसाठी अशीच एक योजना राबवत असून ज्यातून वर्षाकाठी 6 हजार रूपये थेट शेतकऱ्यांच्या खात्यावर दिले जातात. प्रधानमंत्री किसान सम्मान निधि योजनेतून शेतकऱ्यांना हा लाभ दिला जातो. आतापर्यंत 18 हप्ते देण्यात आले असून 19 वा हप्त्याची वाट देशातील शेतकरी बघत आहेत. आता 19 व्या हप्त्याबाबत तारीख समोर आली असून देशाचे पंतप्रधान नरेंद्र मोदी शेतकऱ्यांच्या खात्यावर 19 वा हप्ता जारी करणार आहेत.
पीएम किसान योजनेंतर्गत शेतकऱ्यांना आतापर्यंत 18 हप्ते देण्यात आले असून 19 वा हप्त्याची वाट देशातील शेतकरी बघत आहेत. आता 19 वा हप्ता 24 फेब्रुवारी रोजी जारी करण्यात येणार आहे. देशाचे पंतप्रधान नरेंद्र मोदी बिहारमधील भागलपूर येथील कार्यक्रमात पीएम किसान योजनेचा 19 वा हप्ता जारी करतील. या कार्यक्रमात मोदी लाभार्थ्यांशीही संवाद देखील साधणार आहेत.
पीएम किसान योजनेंतर्गत शेतकऱ्यांना दरवर्षी 6 हजार रुपये दिले थेट खात्यावर दिले जातात. या योजनेचे पैसे तीन हप्त्यांत प्रत्येकी 2 हजार रुपये प्रमाणे दिले जातात. याआधी योजनेचा 18 वा हप्ता 5 ऑक्टोबर 2024 रोजी देण्यात आला होता.
पीएम किसान योजनेंतर्गत 19 व्या हप्त्याची तारिख आता समोर आली असून तो कधी मिळणार असाही सवाल आता अनेकांच्या मनात आला असेल. पण चिंता करण्याची गरज नाही. अधिकृत पोर्टलवर याबद्दलची वेळ देखील जाहीर करण्यात आली असून 19 वा हप्ता 24 फेब्रुवारी रोजी दुपारी 2 ते 3.30 या वेळेत जारी होण्याची शक्यता आहे.
याआधी योजनेचा 18 वा हप्ता 5 ऑक्टोबर 2024 रोजी देण्यात आला असून आता 19 वा हप्ता याच महिन्यात मिळणार आहे. पंतप्रधान मोदी हप्त्याचे पैसे डीबीटीद्वारे लाभार्थ्यांच्या बँक खात्यात हस्तांतरित करतील. याचा लाभ देशातील 9.7 कोटी पात्र शेतकऱ्यांना मिळणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.